રિઝલ્ટ / ICSE અને ISC બોર્ડના પરિણામો જાહેર; રદ થયેલી પરીક્ષાઓનું મૂલ્યાંકન થશે આ રીતે...

આ વર્ષે ઇન્ડિયન સર્ટિફિકેટ ઓફ સેકન્ડરી એજ્યુકેશન (ICSE)ના 10માં ધોરણના 99.33% અને ઇન્ડિયન સ્કૂલ સર્ટિફિકેટ (ISC) ના 12માં વર્ગના 96.84% વિદ્યાર્થીઓ પાસ થયા છે. ગયા વર્ષે, 10માં ધોરણના 98.54% વિદ્યાર્થીઓ અને 12માં ધોરણના 96.52% વિદ્યાર્થીઓએ સફળતા પ્રાપ્ત કરી હતી. ગત વર્ષ કરતા આ વખતે પરિણામ સારુ આવ્યું છે.

તમને જણાવી દઈએ કે, આ વર્ષે 10માં 2,07,902 વિદ્યાર્થીઓએ પરીક્ષા આપી હતી, જેમાં 2,06,525 પાસ થયા છે, જ્યારે 12 માં 88,409 વિદ્યાર્થીઓએ પરીક્ષા આપી હતી, જેમાંથી 85,611 પાસ થયા છે.

ICSEની પરીક્ષા 61 લેખિત વિષયોમાં લેવામાં આવે છે, જેમાંથી 22 ભારતીય ભાષાઓ અને 9 વિદેશી ભાષાઓ અને 2 શાસ્ત્રીય ભાષાઓ છે. 

CISE, ISCનું રિઝલ્ટ આ રીતે ચેક કરો 

સ્ટેપ 1: રિઝલ્ટ જોવા સૌથી પહેલા ઓફિશ્યલ વેબસાઈટ cisce.org ઉપર જાઓ
સ્ટેપ 2: હવે CISE, ISCમાંથી કોઈ પણ એક બોર્ડની પસંદગી કરો
સ્ટેપ 3: હવે માંગેલો ID નંબર દાખલ કરો
સ્ટેપ 4: INDEX NO દાખલ કરો
સ્ટેપ 5: CAPTCHA દાખલ કરો
સ્ટેપ 6: રિઝલ્ટ તમારા સ્ક્રીન સામે આવી જશે
સ્ટેપ 7: આ રિઝલ્ટની પ્રિન્ટ આઉટ લેવી ભૂલશો નહીં

આન્સરશીટ રિચેકીંગ માટે આપી શકાય છે

જે વિદ્યાર્થીઓ તેમના પરિણામથી ખુશ નથી, તેઓ ફરીથી તપાસ એટલે કે રિચેકીંગ માટે અરજી કરી શકે છે. આ માટે પેપર દીઠ 1000 રૂપિયા ફી ભરવાની રહેશે. અરજી કરવાની ઓનલાઇન વિંડો 10 થી 16 જુલાઈ, 2020 સુધી ખુલી રહેશે. 

કેવી રીતે મળશે માર્કશીટ 

CISCE કાઉન્સિલ, વિદ્યાર્થીઓને ડિજિટલ માર્કશીટ અને પાસિંગ સર્ટિફિકેટ આપશે. કાઉન્સિલ ડિજિલોકર દ્વારા તમામ વિદ્યાર્થીઓને તેમનો નંબર અને પાસિંગ સર્ટિફિકેટ આપશે.

આ રીતે થશે રદ થયેલ પરીક્ષાઓનું મુલ્યાંકન

નોંધનીય છે કે ગયા વર્ષ કરતા આ વર્ષે કોરોનાને પગલે રિઝલ્ટ આપવામાં મોડું થયું છે જયારે ગયા વર્ષે 7 મેના રોજ રિઝલ્ટ આવી ગયું હતું. આ સાથે જ CISCEએ બાકી રહેલી પરીક્ષાઓ રદ કરી છે. જે પરીક્ષાઓનું આયોજન નથી થયું તેનું પરિણામ ઇન્ટર્નલ માર્કિંગ મુજબ નક્કી કરવામાં આવશે. જો કોઈ વિદ્યાર્થી આ પરિણામથી સંતુષ્ટ નથી તો તેને ફરીથી પરીક્ષા આપવાનો મોકો મળશે.