EPFO એ ટ્વીટ કર્યું કે જો કોઈ વ્યક્તિ પોતાને સંસ્થાના સદસ્ય બતાવીને તમારા એકાઉન્ટ સંબંધિત અથવા અન્ય ગોપનીય માહિતી માંગે છે તો તેને કોઈપણ પ્રકારની માહિતી આપવી નહી.
ઓનલાઈન ફ્રોડના ખતરાથી સદસ્યોને બચાવવા ચેતવણી જાહેર કરી
ફેક કોલ, મેસેજથી સાવધાન રહે લાલચના ચક્કરમાં ફસાય નહી
UAN/પાસવર્ડ/PAN/આધારની માહિતી શેર ન કરવાની ચેતવણી આપી
ઓનલાઈન છેતરપિંડીનો ખતરો દેશમાં ઝડપથી વધી રહ્યો છે. જેને ધ્યાનમાં રાખતા એમ્પ્લોઈઝ પ્રોવિડન્ટ ફંડ ઓર્ગેનાઈઝેશને તેમના સબસ્ક્રાઈબર્સને ઓનલાઈન છેતરપિંડી (Online Fraud)અંગે ચેતવણી (EPFO Alert) જાહેર કર્યું છે. ઈપીએફઓએ માહિતી આપી છે કે છેતરપિંડી કરનારા કર્મચારીઓ પાસેથી તેમની અંગત વિગતો માંગી રહ્યા છે. ઈપીએફઓએ ટ્વીટ કર્યું કે જો કોઈ વ્યક્તિ પોતાને સંસ્થાના સદસ્ય બતાવીને તમારા એકાઉન્ટ સંબંધિત અથવા અન્ય ગોપનીય માહિતી માંગે છે તો તેને કોઈપણ પ્રકારની માહિતી આપવી નહી.
ઈપીએફઓએ કહ્યું કે સંગઠન સબ્સક્રાઈબર્સ પાસેથી આધાર, પાન, યૂએન (UAN), બેંક એકાઉન્ટ અથવા ઓટીપી જેવી જાણકારીઓ ફોન કોલથી અથવા સોશિયલ મીડિયાના માધ્યમથી ક્યારેય નથી માંગતું. સાથે જ ઈપીએફઓએ જણાવ્યું કે સબ્સક્રાઈબર્સ કરી રીતે સુરક્ષિત રહી શકે છે.
લાલચના ચક્કરમાં ફસાતા નહી
કર્મચારી ભવિષ્ય નિધિ સંગઠન (EPFO)એ ઓનલાઈન ફ્રોડના સંભવિત ખતરાથી પોતાના સદસ્યોને બચાવવા માટે ચેતવણી જાહેર કરી છે અને બચાવની ટિપ્સ પણ આપી છે. ઈપીએફઓએ ટ્વિટર પર પોસ્ટ શેર કરતા પોતાના સદસ્યોને કહ્યું કે તેઓ તેઓ ફેક કોલ, મેસેજથી સાવધાન રહે લાલચના ચક્કરમાં ફસાય નહી.
છેતરપિંડીથી કઈ રીતે પોતાને બચાવો
ઈપીએફઓએ પોતાના સદસ્યોને UAN/પાસવર્ડ/PAN/આધાર જેવી મહત્વપૂર્ણ માહિતી કોઈની સાથે શેર ન કરવાની ચેતવણી આપી છે. ઈપીએફઓ સબ્સ્ક્રાઇબર્સે આ વિગતો કોઈની સાથે ફોન અથવા સોશિયલ મીડિયા પર શેર કરવી જોઈએ નહીં, પછી ભલે અન્ય વ્યક્તિ પોતાને ઈપીએફઓના પ્રતિનિધિ હોવાનો દાવો કરતા હોય.
મોટું નુકસાન સહન કરવું પડી શકે છે
ભવિષ્ય નિધિ સંગઠને કહ્યું કે નોકરી બદલનારા કર્મચારીઓ પર સાયબર એટેક(Cyber Attack)નું જોખમ સૌથી વધારે રહે છે. એટલે તેઓએ વધુ સર્તક રહેવાની જરૂર છે. જો સબ્સ્ક્રાઇબર્સને કોઈ ફિશિંગ કોલ અથવા મેસેજ મળે તો તાત્કાલિક તેનો રિપોર્ટ કરો. ઈપીએફઓની સેવાઓ માટે લેવામાં આવતા ચાર્જની ચૂકવણી ફક્ત ઓફિસિયલ ચેનલ દ્વારા જ કરો. પેમેન્ટ માટે કોઈપણ અનઅધિકૃત માંગ સાયબર ગુનેગારોનું કારનામુ હશે. જેના કારણે તમારે મોટું આર્થિક નુકસાન સહન કરવું પડી શકે છે.