ટિપ્પણી / આ ગુજરાત કોઈ પાકિસ્તાન થોડું છે...?: MPના CM ચૌહાણે નર્મદાના પાણી મુદ્દે કચ્છમાં આપ્યું મોટું નિવેદન

Team VTV 03:47 PM, 18 Nov 22 | Updated: 08:28 AM, 19 Nov 22
Is this Gujarat or a little Pakistan...?: MP CM Chauhan made a big statement in Kutch on Narmada water issue

કચ્છમાં જાહેરસભા દરમ્યાન મધ્યપ્રદેશના મુખ્યમંત્રી શિવરાજસિંહ ચૌહાણે કહ્યું, સરદાર સરોવર બંધાયું ત્યારે ગુજરાતને પાણી મળ્યું અને મધ્યપ્રદેશને વીજળી મળી

  • કચ્છમાં MPના મુખ્યમંત્રી શિવરાજસિંહ ચૌહાણનું મોટું નિવેદન 
  • કોંગ્રેસના લોકો મને મધ્યપ્રદેશમાં રોજ ગાળો આપતા હતા કે, હું ગુજરાતને નર્મદાનું પાણી આપું છું
  • શું ગુજરાત પાકિસ્તાન છે ? ગુજરાત પણ આપણું છે: મુખ્યમંત્રી શિવરાજસિંહ ચૌહાણ

ગુજરાત વિધાનસભાની ચૂંટણીમાં ભાજપે પોતાની સંપૂર્ણ તાકાત લગાવી દીધી છે. આજથી અનેક મુખ્યમંત્રીઓ અને અનેક કેન્દ્રીય મંત્રીઓ ગુજરાતમાં ભાજપનો પ્રચાર કરશે. કચ્છમાં આયોજિત જાહેર સભામાં મધ્યપ્રદેશના મુખ્યમંત્રી શિવરાજસિંહ ચૌહાણે કહ્યું કે, કોંગ્રેસના લોકો મને મધ્યપ્રદેશમાં રોજ ગાળો આપતા હતા કે, હું ગુજરાતને નર્મદાનું પાણી આપું છું. શું ગુજરાત પાકિસ્તાન છે ? ગુજરાત પણ આપણું છે. જ્યારે સરદાર સરોવર બંધાયું ત્યારે ગુજરાતને પાણી મળ્યું અને મધ્યપ્રદેશને વીજળી મળી.

શિવરાજસિંહ ચૌહાણે કહ્યું કે, પીએમ નરેન્દ્ર મોદી 'કલ્પવૃક્ષ' છે, તમે જે ઈચ્છો તે મેળવી શકો છો. કેજરીવાલ બાવળનું ઝાડ છે, કાંટા જ મળશે. રાહુલ ગાંધી એક ઝાડી છે જે પાકનો નાશ કરશે. કોંગ્રેસ, AAP દેશમાંથી સંતોષ અને શાંતિનો નાશ કરશે. રાહુલ ગાંધીએ વીર સાવરકરનું અપમાન કર્યું હતું. જે વ્યક્તિને બે જન્મ સમાન સજા મળી, જેણે દેશ માટે સર્વસ્વ કુરબાન કર્યું. તમે આવા સ્વાતંત્ર્ય સેનાનીનું અપમાન કરો છો, આ દેશ તમને ક્યારેય માફ નહીં કરે.

CM શિવરાજ અનેક જનસભાઓને સંબોધશે

આજથી અનેક સીએમ ગુજરાતના પ્રવાસે આવશે. મધ્યપ્રદેશના સીએમ શિવરાજ સિંહ ચૌહાણ પણ ગુજરાતમાં જાહેરસભાને સંબોધશે. સીએમ શિવરાજ સિંહ ચૌહાણે ટ્વીટ કરીને લખ્યું, 'ગુજરાતના મારા ભાઈઓ અને બહેનો, આજે હું માંડવી, અબડાસા, મોરબી અને ભાવનગર પશ્ચિમ મતવિસ્તારમાં ભાજપ ગુજરાતના સાથી ઉમેદવારોના સમર્થનમાં આયોજિત જાહેર સભાઓ દ્વારા તમારી સાથે જોડાઈશ. તમે પણ આવો. ભાજપ ગુજરાતની પ્રગતિ અને કલ્યાણ માટે પ્રતિબદ્ધ છે.

મહત્વનું છે કે, ગુજરાતમાં 1 અને  5 ડિસેમ્બરે મતદાન છે. ગુજરાત વિધાનસભાની ચૂંટણીના પરિણામો 8 ડિસેમ્બરે જાહેર થશે. ગુજરાત ચૂંટણી પહેલા તમામ પક્ષોએ પોતાની સંપૂર્ણ તાકાત લગાવી દીધી છે. ભાજપના અનેક મોટા નેતાઓ હવે ગુજરાતમાં ભાજપનો પ્રચાર કરી રહ્યા છે.

ShivrajSinh Chauhan પાકિસ્તાન ગુજરાત નર્મદા શિવરાજ સિંહ ચૌહાણ Gujarat election 2022 મધ્યપ્રદેશ ગુજરાત ચૂંટણી 2022

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ