વાહન ચલાવતી વખતે ટ્રાફિકના નિયમોનું પાલન કરવું જરૂરી છે. જો નિયમોનું ઉલ્લંઘન કરીએ તો ચલાણ કપાઈ શકે છે.
ટ્રાફિકના નિયમોનું ઉલ્લંઘન કરીએ તો ચલાણ કપાઈ શકે છે
આ રીતે જાણો તમારું ચલાણ કપાયું છે કે નહીં
ચલાણ કપાયું છે તો આ રીતે ઓનલાઈન ભરો
આજકાલ રસ્તાઓ પર વાહન ચલાવનાર લોકોની સંખ્યામાં અઢળક વધારો થયો છે અને તેને કારણે ટ્રાફિકની સમસ્યા પણ ઘણી વધી છે. કોઈ જગ્યા પર જલ્દી પંહોચવાને કારણે લોકો જલ્દી વાહન ચલાવે છે પણ આપણે બધા જાણીએ છીએ કે કોઈ પણ વાહન ચલાવતી વખતે ટ્રાફિકના નિયમોનું પાલન કરવું જરૂરી છે. જો નિયમોનું ઉલ્લંઘન કરીએ તો ચલાણ કપાઈ શકે છે. પણ ઘણી વખત એવું બને છે ઘણા લોકો ઈરાદાપૂર્વક ટ્રાફિકના નિયમોનું ઉલ્લંઘન નથી કરતાં પણ ઉતાવળે ભૂલથી ઉલ્લંઘન કરી દે છે.
ઉદાહરણ તરીકે વાત કરીએ તો કેટલીકવાર લોકો ભૂલથી જ રેડ લાઇટને પાર કરી જાય છે અને એ પછી ધ્યાન પડે છે કે સિગ્નલની લાઇટ રેડ હતી અને ગ્રીન નહીં. આવી ભૂલથી થયેલ ભૂલની સ્થિતિમાં જો તમે એ જાણવા માંગતા હોય કે તમારું ચલાણ કપાયું છે કે નહીં તો તે માટે એક સરળ રસ્તો છે. તમે એ ભૂલના થોડા સમય પછી અથવા બીજા દિવસે ઓનલાઈન તપાસ કરી શકો છો કે તમારું ચલાણ કપાયું છે કે નહીં.
આ રીતે જાણો તમારું ચલાણ કપાયું છે કે નહીં
-એ માટે પહેલા https://echallan.parivahan.gov.in વેબસાઇટ પર જાઓ.
- ચેક ચલાણ સ્ટેટસ પર ક્લિક કરો.
- એ પછી ત્યાં ચલાણ નંબર, વાહન નંબર અને ડ્રાઇવિંગ લાયસન્સ નંબરનો ઓપ્શન મળશે.
- વાહન નંબરનો વિકલ્પ પસંદ કરો અને જરૂરી વિગતો ભરો.
- ચેસીસ નંબર અથવા એન્જિન નંબર પણ નાખવો પડશે.
- આ બધી પ્રોસેસ પછી 'Get Detail' પર ક્લિક કરો.
ચલાણ કપાયું છે તો આ રીતે ઓનલાઈન ભરો
- પહેલા ઉપર બતાવેલ પ્રોસેસ ફોલો કરો
- ચલાણ કપાયું છે તો એ ઓપ્શન પર ક્લિક કરો
- જેમાંથી ચુકવણી કરવાની છે એ કાર્ડની ડિટેલ ભરો
- કાર્ડથી જોડાયેલ નંબર પર ઓટીપી આવશે અને એ પછી પેમેન્ટ કન્ફર્મ કરો
- તમારું ચલાણ ભરાઈ જશે.