PIB Fact Check / શું કેન્દ્ર સરકાર મહિલાઓને આપી રહી છે રૂ. 2.20 લાખની લૉન? જુઓ શું છે વાયરલ મેસેજની રિયાલિટી

• શું સરકાર મહિલાઓને 2.20 લાખ રૂપિયાની લોન આપી રહી છે?
• PIB ના આ ફેક્ટ ચેકમાં શું કહેવામાં આવ્યું છે
• પીઆઈબી સમયાંતરે લોકોને સલાહ આપે છે

કેન્દ્ર સરકાર દ્વારા દેશની મહિલાઓને આર્થિક સહાય આપવા માટેનો એક મેસેજ હાલ સોશ્યલ મીડીયા પર ખૂબ જ વાઇરલ થઈ રહ્યો છે. એ મેસેજમાં કહેવામાં આવ્યું છે કે કેન્દ્ર સરકાર પીએમ નારી શક્તિ યોજના હેઠળ (PM Nari Shakti Yojana) દેશની મહિલાઓને 2.20 લાખ રૂપિયાની લોન આપી રહી છે.તમને જણાવી દઈએ કે આ મેસેજને સરકાર દ્વારા તદ્દન નકલી હોવાનું કહેવામાં આવી રહ્યું છે. 

વાયરલ થયેલ આ ફેક મેસેજમાં મહિલાઓને આર્થિક મદદ માટે રજીસ્ટ્રેશન કરાવવા માટે કહેવામાં આવી રહ્યું છે અને આ મેસેજને  PIB ના આ ફેક્ટ ચેક દ્વારા ચેક કરવામાં આવ્યો છે. ચાલો તમને જણાવીએ કે PIB ના આ ફેક્ટ ચેકમાં શું કહેવામાં આવ્યું છે.. 

ફેક છે આ આખો મેસેજ 
તમને જણાવી દઈએ કે આ ફેક મેસેજનો પર્દાફાશ કરતી વખતે PIBએ કહ્યું હતું કે આ મેસેજ ફેક છે. આ સાથે જ પીઆઈબીએ એમ પણ જણાવ્યું હતું કે કેન્દ્ર સરકાર દ્વારા આવી કોઈ સહાયની જાહેરાત કરવામાં આવી નથી. જો કે 'ઇન્ડિયન જોબ' YouTube નામની ચેનલે દાવો કર્યો છે કે કેન્દ્ર સરકાર 'પ્રધાનમંત્રી નારી શક્તિ યોજના' હેઠળ મહિલાઓને 2 લાખ 20 હજાર રૂપિયા આપવા જઈ રહી છે પણ આ દાવો ખોટો છે. જણાવી દઈએ કે કેન્દ્ર સરકાર દ્વારા આવી કોઈ યોજના લાવવામાં આવી નથી. આ સાથે જ પીઆઈબી સમયાંતરે લોકોને સલાહ આપે છે કે લોકોએ વાયરલ મેસેજ તરીકે મોકલવામાં આવતી આવી કોઈ પણ શંકાસ્પદ લિંક પર ક્યારેય ક્લિક ન કરવું જોઈએ.

'इंडियन जॉब' नामक #YouTube चैनल द्वारा यह दावा किया जा रहा है कि केंद्र सरकार सभी महिलाओं को 'प्रधानमंत्री नारी शक्ति योजना' के तहत 2 लाख 20 हजार रूपए देने जा रही है।#PIBFactCheck

▶️यह दावा #फर्जी है।

▶️केंद्र सरकार द्वारा ऐसी कोई योजना नहीं लाई गई है। pic.twitter.com/FL3Ji8Oydc

— PIB Fact Check (@PIBFactCheck) December 6, 2022

PIB દ્વારા મેસેજ ફેક્ટ ચેક કેવી રીતે કરવું 
જો ક્યારેય તમને આવો કોઈ શંકાસ્પદ મેસેજ કે ફોરવર્ડ લિંક આવે તો તમે હંમેશા તેની સત્યતા ચકાસી શકો છો. તમે તપાસ કરી શકો છો કે સમાચાર કેટલા સાચા છે ને કેટલા ખોટા. આ માટે તમારે https://factcheck.pib.gov.in પર મેસેજ કરવાનો રહેશે જો કે એમ ન કરવું હોય તો તમે વૈકલ્પિક રીતે તમે ફેક્ટ ચેક માટે +918799711259 પર WhatsApp મેસેજ પણ મોકલી શકો છો. આ સિવાય આવા મેસેજ [email protected] પર પણ મોકલી શકો છો. હકીકત તપાસની માહિતી https://pib.gov.in પર પણ ઉપલબ્ધ છે.