સોશિયલ મીડિયા પર 500ની ચલણી નોટને લઈને એક ફેક મેસેજ વાયરલ થયો હોવાનું પીઆઈબી ફેક્ટ ચેકમાં સામે આવ્યું છે.
સોશિયલ મીડિયા પર વાયરલ મેસેજમાં દાવો
ગાંધીજીની તસવીર નજીકની લીલી પટ્ટીવાળી નકલી
લોકોને ન લેવાની કરાઈ અપીલ
વાયરલ મેસેજ ફેક હોવાનું ફેક્ટ ચેકમાં સામે આવ્યું
એક વાયરલ મેસેજમાં દાવો કરાયો છે કે જેમાં લીલી પટ્ટી આરબીઆઈ ગવર્નરની સહીની નજીક નહીં પરંતુ ગાંધીજીની તસવીર પાસે હોય તેવી 500 રુપિયાની ચલણી નોટ નકલી છે અને તેથી તેને ન સ્વીકારતા. મેસેજમાં એવું પણ કહેવાયું કે આ સંદેશ તમારા પરિવાર અને મિત્રોને મોકલો.
પીઆઈબી ફેક્ટ ચેક કરાયું
આ મેસેજ ફેલાતા સરકારના સત્તાવાર ફેક્ટ ચેકર પીઆઈબી ફેક્ટ ચેક હરકતમાં આવ્યું હતું અને તાત્કાલિક તેની સત્યતા ચકાસવામાં આવી હતી જેમાં વાયરલ થયેલો મેસેજ ખોટો હોવાનું સાબિત થતા લોકોને કહેવાયું કે 500 રુપિયાની બન્ને નોટ સાચી છે અને વાયરલ થયેલો મેસેજ ખોટો છે. આરબીઆઈના જણાવ્યા મુજબ બંને પ્રકારની નોટો માન્ય છે. પીઆઈબી ફેક્ટ ચેકે આ અંગે ટ્વીટ કરીને લોકોને ચેતવણી આપી છે.
આરબીઆઈએ 500ની ચલણી નોટના આપ્યાં 17 ઓળખ ચિન્હો
આરબીઆઈએ 500ની ચલણી નોટની ઓળખ માટે 17 ચિન્હો જણાવ્યાં છે જે જાણીને તમે નોટ સાચી છે કે ખોટી તે નક્કી કરી શકશો.
આ 17 ચિન્હો જોઈને ઓળખો સાચી ચલણી નોટને
(1) જો નોટને લાઈટની સામે મુકવામાં આવે તો આ જગ્યાએ 500 લખેલું હશે.
(2) આંખની સામે 45 ડિગ્રીના એંગલથી નોટ મૂકવાથી આ જગ્યા પર 500 લખેલું દેખાશે.
(3) આ સ્થળે દેવનાગરીમાં 500 જોવા મળશે.
(4) મહાત્મા ગાંધીનું ચિત્ર કેન્દ્રમાં દર્શાવાયું છે.
(5) ભારત અને ભારતના પત્રો લખવામાં આવશે.
(6) નોટને હલકા હાથે વાળી લેશો તો સિક્યોરિટી થ્રેડના કલરનો કલર ગ્રીનમાંથી બ્લૂમાં બદલાઇ જશે.
(7) 500ની નોટોની તુલનામાં ગવર્નરના હસ્તાક્ષર, ગેરંટી ક્લોઝ, પ્રોમિસ ક્લોઝ અને આરબીઆઈનો લોગો જમણી તરફ શિફ્ટ થઈ ગયા છે.
(8) અહીં મહાત્મા ગાંધીની તસવીર છે અને ઇલેક્ટ્રોટાઇપ વોટરમાર્ક પણ જોવા મળશે.
(9) ટોચ પર ડાબી બાજુની સંખ્યાઓ અને તળિયે જમણી બાજુની સંખ્યાઓ ડાબેથી જમણે મોટી થાય છે.
(10) અહીં લખેલી 500ની સંખ્યાનો રંગ બદલાય છે. તેનો રંગ લીલામાંથી વાદળીમાં બદલાય છે.
(11) જમણી બાજુ અશોક સ્તંભ છે.
(12) જમણી બાજુનું વર્તુળ બોક્સ, જેના પર 500 લખેલું છે, જમણી અને ડાબી બાજુ 5 બ્લીડ લાઇન અને અશોક સ્તંભનું પ્રતીક, મહાત્મા ગાંધીની તસવીર, જે આશરે છાપવામાં આવી છે.
(13) નોટ છાપવાનું વર્ષ લખાય છે.
(14) સ્લોગનની સાથે સ્વચ્છ ભારતનો લોગો છપાયો છે.
(15) મધ્ય બાજુએ એક ભાષા પેનલ છે.
(16) લાલ કિલ્લાની તસવીર ભારતીય ધ્વજ સાથે છાપવામાં આવી છે.
(17) દેવનાગરીમાં 500 પ્રિન્ટ છે.