નવો વિવાદ / સલમાન ખાનની એક્સ ગર્લફ્રેન્ડે પર્દાફાશ કરવાની આપી ધમકી, એશ્વર્યાનું પણ લીધું નામ

• સલમાન ખાન લવ લાઈફને લઇને પણ ચર્ચામાં રહ્યાં
• સલમાનની એક્સ ગર્લફ્રેન્ડ સોમી અલીએ સલમાનને આપી ધમકી
• બોલીવુડના હાર્વી વીન્સટીન એક દિવસ તમારો પણ પર્દાફાશ થશે

સલમાનની પૂર્વ ગર્લફ્રેન્ડે સલમાનને આપી ધમકી

આ યાદીમાં સંગીતા બિજલાની, સોમી અલી, ઐશ્વર્યા રાય, કેટરીના કૈફ જેવી અભિનેત્રીઓ સાથે અફેર હંમેશા ચર્ચાનો વિષય બન્યું છે. સલમાન અને ઐશ્વર્યાની રિલેશનશિપ તો સૌથી વધુ ચર્ચામાં રહી. જ્યારે બંને રિલેશનશિપમાં હતા ત્યારે એવા સમાચાર સામે આવ્યાં હતા કે સલમાને કથિત રીતે નશામાં ઐશ્વર્યા સાથે મારામારી કરી હતી. હવે એવુ લાગી રહ્યું છે કે આવો કોઈ આરોપ તેની પૂર્વ ગર્લફ્રેન્ડ સોમી અલી પણ લગાવી રહી છે. ખરેખર, સોમી અલીએ હાલમાં ઈન્સ્ટાગ્રામ પર સલમાન અને ભાગ્યશ્રીની ફિલ્મ 'મૈંને પ્યાર કિયા'ના સીનનો સ્ક્રીનશૉટ શેર કર્યો છે. જેની સાથે સોમી અલીએ લખ્યું, બોલીવુડના હાર્વી વીન્સટીન એક દિવસ તમારો પણ પર્દાફાશ થશે. જે મહિલાઓને તમે એબ્યુઝ કરી છે. એક દિવસ સામે આવશે અને પોતાની હકીકત જણાવશે. જેમકે ઐશ્વર્યા રાય બચ્ચને કર્યુ હતુ. 

 

 

 

 

View this post on Instagram

 

 

 

 

 

 

 

 

 

 

 

A post shared by Somy Ali (@realsomyali)

કોણ છે હાર્વી વીન્સટીન? 

હાર્વી વીન્સટીન હોલીવુડના પ્રખ્યાત પ્રોડ્યુસર અને ફિલ્મમેકર છે. હાર્વી પર એક, બે નહીં પરંતુ ઘણી બધી મહિલાઓ અને અભિનેત્રીઓ સાથે રેપ કરવો, મારામારી કરવી, જાતિય શોષણ કરવુ અને ધમકાવવાના આરોપ લગાવ્યા હતા. જેમાં કેટ બ્લેન્કેટ, લીજા કેમ્પબેલ, એવા ગ્રીન, એન્જિલના જોલી જેવી જાણીતી અભિનેત્રીઓ સામેલ હતી. ત્યારબાદ હાર્વી વીન્સટીનને કોર્ટે 23 વર્ષની કેદની સજા સંભળાવી હતી.

સોમી અલી સલમાનને ખૂબ પસંદ કરતી હતી

સોમી અલી સલમાન ખાનને ખૂબ પસંદ કરતી હતી અને તેથી 16 વર્ષની ઉંમરમાં તે મુંબઈ આવી ગઇ હતી. સોમી સલમાનની ગર્લફ્રેન્ડ પણ રહી ચૂકી છે. પરંતુ તેનો સંબંધ વધુ દિવસો સુધી ચાલ્યો ન હતો. 1999માં આ સંબંધ પૂર્ણ થયો હતો. ત્યારબાદ સોમી અમેરિકા પાછી આવી.