અભિપ્રાય / રાહુલ ગાંધી કોંગ્રેસ માટે સમસ્યા છે કે સમાધાન, જાણો શું બોલ્યા પી.ચિદમ્બરમ

• 99 ટકા કોંગ્રેસી કાર્યકર રાહુલ ગાંધીને માને છે પોતાના નેતા
• કાર્યકરો રાહુલ ગાંધીને અધ્યક્ષ તરીકે જોવા માગે છે
• કોંગ્રેસ પાર્ટી મે મહિના પછી અધ્યક્ષની ચૂંટણી કરી લેશે 

ચિદમ્બરમે જણાવ્યુ કે મને ખબર નથી કે શું રાહુલ ગાંધી કોંગ્રેસ અધ્યક્ષની ચૂંટણી લડવા જઈ રહ્યાં છે કે નહીં. રાહુલ ચૂંટણી લડી પણ શકે છે અને ન પણ લડે. કોંગ્રેસ અધ્યક્ષ માટે બીજા પણ ઉમેદવાર હોઈ શકે. પરંતુ પાર્ટી મે મહિના પછી અધ્યક્ષની ચૂંટણી કરી લેશે.

અધ્યક્ષની ચૂંટણી થવી જોઈએ

એક પાર્ટીના નેતા ફક્ત પાર્ટી સભ્યો દ્વારા ચૂંટાઈ શકે છે. મેં એવું પણ સૂચન કર્યું હતું કે શ્રીમતી ગાંધીને વચગાળાના અધ્યક્ષ બનાવવા જોઈએ. મેં કહ્યું હતું કે પાર્ટીમાં એક પૂર્ણકાલીન અધ્યક્ષ હોવા જોઈએ. મારુ હજુ પણ માનવું છે કે ચૂંટણી થવી જોઈએ. મને લાગે છે કે વિધાનસભા ચૂંટણી પછી ચૂંટણી થશે. 

100 માં 99 કાર્યકરો રાહુલ ગાંધીને પાર્ટી અધ્યક્ષ તરીકે જોવા માગે છે

મેં છેલ્લા 3 મહિનામાં લગભગ 35 બૂથ કાર્યકરો સાથે મુલાકાત કરી હતી. લગભગ 35 બેઠકોને સંબોધિત કરી. મેં મારા વિસ્તારના હજારો કાર્યકરો સાથે વાતચીત કરી. 100 માં 99 કાર્યકરો રાહુલ ગાંધીને પાર્ટી અધ્યક્ષ તરીકે જોવા માગે છે પરંતુ તેનો નિર્ણય રાહુલ ગાંધીએ કરવાનો છે. 

ભાજપ પુલવામા હુમલાનો રાજકીય ઉપયોગ કરીને સત્તામાં આવ્યો

ચિદમ્બરમે એવું પણ કહ્યું કે ભાજપ પુલવામા હુમલાનો રાજકીય ઉપયોગ કરીને સત્તામાં આવ્યો હતો અને પાછળથી થયેલી વિધાનસભાની ચૂંટણીમાં લોકોએ ભાજપની વિરૃદ્ધ મતો આપ્યા હતા. ભાજપ કોમી એજન્ડા, મુસ્લિમો-ખ્રિસ્તીઓ સામે નફરત, દેશમાં એક ભાષા, એક સંસ્કૃતિ, એક ખાનપાન વગેરેના વિચારને પ્રોત્સાહન આપે છે.