ફાયદા / ડાયાબિટીસના દર્દીઓએ કોળુ ખાવું જોઈએ કે નહીં, જાણી લો

• પોષક તત્વોથી ભરપૂર છે કોળુ
• બધાંએ ડાયટમાં આ શાક સામેલ કરવું જોઈએ
• બ્લડશુગર કંટ્રોલ કરવામાં કરે છે મદદ

કોળું સ્વાદમાં તો સારું હોય જ છે પણ શું ડાયાબિટીસના દર્દીઓ તેને ખાઈ શકે છે કે નહીં તે અંગે જાણવું જરૂરી છે, કારણ કે ગામડાના લોકો કોળુ વધુ પ્રમાણમાં ખાતા હોય છે. આમ તો શહેરોમાં પણ લોકો કોળાનું શાક બનાવીને ખાતા હોય છે. હકીકતમાં કોળામાં કેલરીની માત્રા બહુ ઓછી હોય છે અને આ શાકમાં અનેક પોષક તત્વો રહેલાં છે. જેથી ડાયાબિટીસના દર્દીઓએ પણ આ શાક અવશ્ય ખાવું જોઈએ. 

કોળામાં રહેલું ફાયબર બ્લડશુગરને નિયંત્રણમાં રાખે છે

કોળામાં પ્રોટીન, કેલ્શિયમ, ફાયબર, આયર્ન અને વિટામિન એ અને સી હોય છે. ફાયબર બ્લડ શુગરના લેવલને નિયંત્રણ કરવામાં મદદ કરે છે. જેથી ડાયાબિટીસમાં કોળુ ખાવાથી બ્લડશુગર કંટ્રોલમાં રહે છે. નિષ્ણાંતો મુજબ પણ ડાયાબિટીસમાં કોળુ ખાવાથી ફાયદો જ થાય છે. કોળુ ખાવાથી બોડીમાં ઈન્સ્યૂલિનની જરૂરિયાત ઘટી જાય છે. કોળામાં રહેલાં કાર્બોહાઈડ્રેટ્સ અને પુઅરિન નામનું તત્વ બ્લડશુગરને કંટ્રોલ કરવામાં મદદ કરે છે.