દિલ્હી હાઈકોર્ટે આવતીકાલે એટલે કે 11 મેના દિવસ મેરિટલ રેપ પર એક મોટો ચુકાદો આપશે.
મેરિટલ રેપ પર આવતીકાલે દિલ્હી હાઈકોર્ટનો મોટો ચુકાદો
પત્ની સાથે પતિના બળજબરીપૂર્વકના શારીરિક સંબંધો રેપ ગણાય કે નહીં
હાલમાં મેરિટલ રેપને ગુનો ગણાતો નથી
દિલ્હી હાઈકોર્ટ આવતીકાલે બપોરના 2.30 કલાકે મેરિટલ રેપ પર એક મહત્વનો ચુકાદો આપવા જઈ રહી છે.તો બીજી તરફ
સુપ્રીમ કોર્ટ હવે એ વાતની સમીક્ષા કરશે કે શું પત્ની પોતાના પતિ પર બળાત્કારનો કેસ કરી શકે છે. એટલે કે શું પતિને પોતાની પત્ની પર બળજબરી કરવાનો અધિકાર છે? હાલના કાયદા મુજબ પત્ની પોતાના પતિ પર બળાત્કારનો કેસ કરી શકતી નથી. પુરુષને પોતાની મરજીથી પત્ની સાથે સંબંધ રાખવાનો અધિકાર છે. વૈવાહિક બળાત્કાર એટલે કે લગ્ન જીવનમાં બળજબરીથી સેક્સ કરવું એ ગુનો માનવામાં આવતો નથી. તેને ગુનાની શ્રેણીમાં લાવવા માટે અનેક મહિલા સંગઠનો વર્ષોથી માંગ કરી રહ્યા છે. આ મામલો હવે સુપ્રીમ કોર્ટ સુધી પહોંચી ગયો છે.
Delhi HC to pass judgement tomorrow on petitions seeking criminalisation of marital rape
કર્ણાટકની એક મહિલાએ પતિ પર લગાવ્યો હતો રેપનો આરોપ
સુપ્રીમ કોર્ટે મંગળવારે નોટિસ જાહેર કરીને રાજ્ય સરકાર પાસે જવાબ માંગ્યો છે. આ કેસમાં આગામી સુનાવણી ૩ જુલાઈએ થશે. વાસ્તવમાં કર્ણાટકમાં એક પરિણીત વ્યક્તિ પર તેની પત્નીએ બળાત્કારનો આરોપ લગાવ્યો હતો, જેના પર ટ્રાયલ કોર્ટે આરોપી વિરુદ્ધ આઈપીસીની કલમ 376 (બળાત્કાર) હેઠળ એફઆઈઆર દાખલ કરવાનો નિર્દેશ આપ્યો હતો.
પતિએ કહ્યું-કાયદા અનુસાર મારી સામે રેપનો કેસ ન ચાલી શકે
મહિલાના પતિએ ટ્રાયલ કોર્ટના નિર્ણયને કર્ણાટક હાઈકોર્ટમાં પડકાર્યો હતો. હાઈકોર્ટે આરોપીને તેની સામે નોંધાયેલા બળાત્કારના કેસનો સામનો કરવા નિર્દેશ પણ આપ્યો હતો.આ કેસ સામે પતિએ સુપ્રીમ કોર્ટમાં અરજી કરી છે. પતિએ પોતાની અરજીમાં કહ્યું છે કે કાયદા મુજબ તેના પર રેપનો કેસ ન થઈ શકે. તેથી નીચલી કોર્ટની કાર્યવાહી પર રોક લગાવવી જોઈએ. સુપ્રીમ કોર્ટે મંગળવારે નીચલી કોર્ટની કાર્યવાહી પર રોક લગાવી નથી, પરંતુ અરજદારને ટ્રાયલ કોર્ટને જણાવવાનું કહ્યું કે આ મામલાની સુનાવણી હવે સુપ્રીમ કોર્ટ કરી રહી છે. સુપ્રીમ કોર્ટ હવે આ કાયદાની સમીક્ષા કરશે.
હાલમાં કાયદા હેઠળ પતિનું પત્ની સાથે બળજબરીપૂર્વકનું સેક્સ નથી ગણાતો રેપ
ઉલ્લેખનીય છે કે હાલના વૈવાહિક સંબંધિત જે કાયદા છે તેમાં પતિ તેની પત્ની સાથે ઈચ્છા વિરૃદ્ધ સેક્સ કરે તો તે રેપ ગણાતો નથી પરંતુ હવે આ કાયદાની સમિક્ષા કરવા સુપ્રીમ તૈયાર થઈ છે.