ચિંતાજનક / આ રાજ્યમાં કોરોનાની બીજી લહેર, રાજ્યપાલે કહ્યું કે આ લહેરનું કારણ...

• કેરળમાં 233 ટકા વધી ગયા છે કોરોનાના એક્ટિવ કેસ
• કેરળના 3 જિલ્લામાં 11 દિવસમાં કોરોનાના કેસ 60 ટકા વધ્યા
• કોઝીકોડમાં 62.2 ટકા, ત્રિસૂરમાં 61.9 ટકા, કોલ્લમાં 57.9 ટકા કેસ વધ્યા

કેરળમાં 233 ટકા વધ્યા એક્ટિવ કેસ 

ગત 4 અઠવાડિયાથી ભારતમાં કોરોના નવા કેસમાં 11 ટકા ઘટાડો નોંધાયો છે. પરંતુ કોરોના પર કાબૂ મેળવવામાં મોડલ સ્ટેટ બનેલા કેરળમાં આ ચાર અઠવાડિયામાં 233 ટકા એક્ટિવ કેસ વધ્યા છે. એવામાં કહેવામાં આવી રહ્યું છે કે કોરોના વાયરસનો પ્રકોપ સંપૂર્ણ ખતમ નથી થયો. આ વિકરાળ રુપ લઈ રહ્યો છે. કોઝીકોડમાં 62.2 ટકા, ત્રિસૂરમાં 61.9 ટકા, કોલ્લમાં 57.9 ટકા કેસ વધ્યા છે.

કેરળના રાજ્યપાલ આરિફ મોહમ્મદ ખાને કહ્યું કે કોરોનાની બીજી લહેરની ચિંતા વ્યક્ત કરતા કહ્યું કે કદાચ આ વાયરસનું મ્યૂટેશન હોઈ શકે છે. અનેક કારણ હોઈ શકે છે.  કેરળના લોકો મોટી સંખ્યામાં અન્ય રાજ્ય, વિદેશમાં કામ કરે છે.  રાજ્યમાં સંક્રમિતોમાં આવા લોકોની સંખ્યા વધુ જે બહારથી આવ્યા હોય. તેમણે કહ્યુ કે દક્ષિણના રાજ્યોમાં મ્યૂટેશનના કારણે કોરોના વધુ ફેલાયો છે. મોટા પાયે ટેસ્ટિંગ કરાવો.

મ્યૂટેશન શું હોય છે?   

મ્યૂટેશન એટલે રૂપ બદલવું. કોરોના વાયરસ પોતાનું રૂપ વારંવાર બદલી રહ્યો છે.  કોરોના અલગ અલગ પ્રકારની પોતાની કોપી બનાવી રહ્યો છે. કોરોના વાયરસથી સંક્રમિત કોશિકા લાખોમાં વાયરસ છોડે છે. આ વાયરસ મૂળ જીનોમની કોપી કરે છે. કોશિકા આ જીનોમની કોપી બનાવે છે. કોપી કરતા સમયે ક્યારેક ભૂલ કરી દે છે.  ઉલ્લેખનીય છે કે અત્યાર સુધીમાં 12 હજારથી વધારે મ્યૂટેશન રિસર્ચ દરમિયાન મળ્યા છે.