ફિલ્મજગત / સારા અલી અને કૃતિ સેનન સાથે કાર્તિક આર્યનના અફેરને લઇ ચોંકાવનારો ખુલાસો! જુઓ રિલેશનશિપને લઇને શું કહ્યું

• કાર્તિક આર્યન ફિલ્મ 'શહેઝાદા'ને કારણે ચર્ચામાં
• સારાને ડેટ કરી રહ્યા હોવાની અફવા પર કાર્તિકે કર્યો ખુલાસો
• ફિલ્મ અંગે કરી કેટલીક ચર્ચા

બોલીવૂડ અભિનેતા કાર્તિક આર્યન તેની મોસ્ટ અવેઈટેડ ફિલ્મ 'શહેજાદા'ને કારણે ચર્ચામાં છે. આ ફિલ્મ થિયેટરમાં રિલીઝ થઈ ગઈ છે અને 'શહેઝાદા'ને ક્રિટીક્સ અને દર્શકોનો સામાન્ય પ્રતિસાદ મળ્યો છે. આ બધાની વચ્ચે કાર્તિકે રેપિડ ફાયર રાઉન્ડ દરમિયાન પ્રથમ વખત સારા અલી ખાન અને ક્રતિ સેનન સાથેના તેના સંબંધો વિશે વાત કરી હતી. બોલિવૂડના 'શહેઝાદા' કાર્તિક આર્યન અભિનેત્રી સારા અલી ખાન અને કૃતિ સેનનને ડેટ કરી રહ્યા હોવાની અફવાઓ હતી, પરંતુ ન તો કાર્તિકની સારા સાથે રિયલ લાઈફ જોડી બની શકી અને ન તો ક્રતિ સેનન સાથે આવો કોઈ સીન બન્યો. જો કે તે બધાએ ક્યારેય તેના વિશે વાત કરી નથી.

સારા અને ક્રતિને ડેટ કરવાના સવાલ પર બોલ્યાં કાર્તિક
રેપિડ ફાયરમાં કાર્તિકને ઘણા સવાલો કરવામાં આવ્યા હતા. તેને પ્રશ્ન પૂછવામાં આવ્યો કે તે સિંગલ છે તો તેના પર તેણે કહ્યું હા. પછી પૂછવામાં આવ્યું કે તે સારા અલી ખાનને ડેટ કરી રહ્યાં છે? આ સવાલના જવાબમાં શરમાતાં અભિનેતાએ કોઈ જવાબ આપ્યો નહી. પછી ક્રતિ સેનનને લઈ સવાલ કરવામાં આવ્યો કે શું તેમણે ક્રતિને ડેટ કરી હતી. તેના પર અભિનેતાએ કોઈ યોગ્ય જવાબ આપ્યો નહી. સવાલ-જવાબથી ક્લિયર થઈ ગયું કે કાર્તિક સારા સાથે રિલેશનશિપમાં હોઈ શકે છે. 

અલ્લુ અર્જૂનની ફિલ્મની હિંદી રીમેક છે કાર્તિકની શેહઝાદા
શહઝાદાની વાત કરીએ તો આ ફિલ્મ અલ્લુ અર્જુનની 'અલા વૈકુંઠપ્રેમુલુ'ની હિન્દી રિમેક છે. ફિલ્મમાં એક્શન સિવાય કોમેડી, ડ્રામા અને રોમાન્સનો ડોઝ દર્શકોને એન્ટરટેઈન કરી રહ્યો છે. કાર્તિક આર્યન અને ક્રતિ સેનનની હિટ જોડી ઉપરાંત, મનીષા કોઈરાલા, પરેશ રાવલ, સચિન ખેડેકર અને રોનિત રોય પણ મુખ્ય ભૂમિકામાં છે. પ્રિતમે ફિલ્મ માટે ગીતો કમ્પોઝ કર્યા છે.

ફિલ્મ ટોટલ ફેમિલી માસ એન્ટરટેઈનર
આ પહેલા કાર્તિક આર્યને ટ્રેલર લૉન્ચ વખતે કહ્યું હતું કે, " હું થિયેટરોમાં મારી ફિલ્મો જોવા માટે આવતા લોકોનો આભારી છું અને મને આશા છે કે આ ફિલ્મ અને મારી આવનારી ફિલ્મો સાથે પણ એવું જ થાય. મને આશા છે કે શેહઝાદા રૂ. 200 કરોડનો આંકડો પાર કરશે. હું ખૂબ જ ખુશ થઈશ અને ઈન્ડસ્ટ્રીને પણ ફાયદો થશે. આ ફિલ્મ ટોટલ ફેમિલી માસ એન્ટરટેઈનર છે. તેથી મને આશા છે કે મોટી સંખ્યામાં પરિવારો ફિલ્મ જોવા આવશે.