શું પહેલી નજરમાં થઇ જાય છે પ્રેમ ? રિસર્ચ મુજબ બે વ્યક્તિ વચ્ચે પ્રેમ થવા માટે 4 વાર મળવું જરૂરી છે
પહેલી નજરે પ્રેમ થાય ખરો ?
સંશોધનમાં કર્યો ચોંકાવનારો દાવો
'પહેલી નહી ચોથી નજરમાં થાય છે પ્રેમ'
આપણે ઘણીવાર એવુ સાંભળીએ છીએ કે પ્રેમ કરવાનો નથી હોતો એતો થઇ જાય છે. ઘણા લોકો તો એવુ પણ કહે છે કે પહેલી નજરે જોતા જ કંઇક મનમાં થવા લાગે તે પ્રેમ. કોઇને આંખો જોઇને પ્રેમ થાય છે કે તો કોઇને માત્ર એક ઝલક જોઇને જ સામે વાળી વ્યક્તિ મનમા વસી જાય છે. કહેવાય છેને લવ એટ ફર્સ્ટ સાઇટ. જો કે આવુ તો માત્ર કહેવાનું જ હોય છે વાસ્તવિકતા તો કંઇક અલગ જ હોય છે. એક સંશોધનમાં સામે આવ્યુ કે પહેલી નજરમાં પ્રેમ થાય તે વાતમાં કોઇ લોજીક નથી. કારણ કે પ્રેમ પહેલી નહી ચોથી નજરમાં થાય છે આવો દાવો એક સંશોધનમાં કરવામાં આવ્યો છે.
પ્રેમ પહેલી નજરે થાય છે ?
રિસર્ચ મુજબ બે લોકો વચ્ચે પ્રેમમાં પડવા માટે આપણે 4 વાર મળવું પડે છે. આ સંશોધને એ હકીકતનું પણ ખંડન કર્યું છે કે પ્રેમ પહેલી નજરે જ થાય છે. આ માત્ર જુઠ્ઠાણું છે.
સંશોધકોએ એક અનોખો દાવો કર્યો
ન્યૂયોર્કની હેમિલ્ટન કોલેજના મનોવૈજ્ઞાનિકોએ એક સંશોધન કર્યું છે. મનોવૈજ્ઞાનિકોએ યુવાનોની ટીમ બનાવી હતી. આ દરમિયાન યુવક-યુવતીઓને એકબીજાની તસવીરો બતાવવામાં આવી હતી. સંશોધન ટીમે છોકરાઓ અને છોકરીઓના મગજને એક મોનિટર સાથે જોડ્યા જે તેમના મગજમાં અલગ-અલગ ચિત્રો પ્રત્યેના આકર્ષણને નક્કી કરી શકે.
સંશોધનમાં ચોંકાવનારો દાવો
આ દરમિયાન, મનોવૈજ્ઞાનિકોએ જોયું કે પ્રથમ વખત ફોટો દર્શાવ્યા પછી મોનિટર પર થોડી હલચલ જોવા મળી હતી. ફોટો બીજી વખત બતાવવામાં આવ્યા પછી આકર્ષણનું રેટિંગ પહેલા કરતા ઘણું વધ્યું હતું. જ્યારે તેઓને ત્રીજી વખત ચિત્રો બતાવવામાં આવ્યા ત્યારે રેટિંગ્સ વધુ હતા અને વૈજ્ઞાનિકોએ શોધી કાઢ્યું કે જ્યારે તેઓને ચોથી વખત ચિત્રો બતાવવામાં આવ્યા ત્યારે ઉત્સાહ અને આનંદ માટે જવાબદાર સહભાગીઓના મગજનો ભાગ સક્રિય થઈ ગયો હતો. આવી સ્થિતિમાં, જો હવે કોઈ તમને કહે કે તમે પહેલી નજરમાં પ્રેમમાં પડ્યા છો, તો તેને ચોક્કસપણે આ હકીકતથી વાકેફ કરો.