મહામારી / નાઈટ કર્ફ્યુ અમલમાં ન હોય તો શહેરમાં મોડી રાત સુધી ફરવું ગુનો નથી- કોર્ટનો ચુકાદો

• મુંબઈની સ્થાનિક કોર્ટનો ચુકાદો 
• શહેરમાં રાતે ફરવું ગુનો નથી
• પોલીસે ઝડપેલા યુવાનને કોર્ટે છોડી મૂક્યો
• રાતે ફરી રહેલા યુવાનને પોલીસ પકડી લીધો હતો 

મુંબઈની એક કોર્ટે અહીંના રસ્તા પર શંકાસ્પદ સંજોગોમાં બેસી રહેવા બદલ 29 વર્ષીય યુવક સામે નોંધાયેલા કેસની સુનાવણી કરતાં કહ્યું હતું કે જો રાત્રિ કરફ્યુ અમલમાં ન હોય તો મુંબઈ જેવા શહેરમાં મોડી રાત્રે રસ્તા પર ફરવું એ ગુનો નથી. મુંબઈ પોલીસે 13 જૂને એક વ્યક્તિ સામે કેસ નોંધ્યો હતો અને ગિરગામ મેટ્રોપોલિટન મેજિસ્ટ્રેટની કોર્ટે તેને નિર્દોષ છોડી મૂકવાનો આદેશ આપ્યો હતો. ફરિયાદી પક્ષે રજૂ કરેલા પુરાવાના આધારે મેજિસ્ટ્રેટે કહ્યું હતું કે, કોર્ટ માટે એ માનવું મુશ્કેલ છે કે આરોપી ગુનો કરવાના ઇરાદે પોતાની ઓળખ છુપાવવાનો પ્રયાસ કરી રહ્યો છે.

મુંબઈ પોલીસે યુપીના યુવાનને શહેરમાંથી પકડ્યો હતો 
 પોલીસે દાવો કર્યો હતો કે ઉત્તર પ્રદેશનો રહેવાસી સુમિત કશ્યપ દક્ષિણ મુંબઈમાં રસ્તા પર બેઠો હતો અને આ દરમિયાન તેણે રૂમાલથી પોતાનો ચહેરો ઢાંકવાનો પ્રયાસ કર્યો હતો. આ કલમમાં સૂર્યોદય અને સૂર્યાસ્ત વચ્ચે "ગુનો કરવાના ઇરાદાથી પોતાનો ચહેરો ઢાંકવા અથવા વેશપલટો કરવાના" આરોપસર કોઈ વ્યક્તિ સામે કેસ નોંધવાની જોગવાઈ કરવામાં આવી છે.

મોં ઢાંક્યું હોય તેનો અર્થ એવો નથી કે તે ગુનો કરવા માટે આવ્યો છે- કોર્ટ 
મેજિસ્ટ્રેટ નદીમ પટેલે જણાવ્યું હતું કે, "આરોપીની મુંબઈમાં બપોરે લગભગ 1.30 વાગ્યે ધરપકડ કરવામાં આવી હતી. મુંબઈ જેવા શહેરમાં બપોરે 1.30 વાગ્યે પણ મોડું નથી થતું. કોઈ પણ વ્યક્તિ રસ્તા પર ઉભા રહી શકે છે અને તેથી તેને ગુનાના ઇરાદાથી ઓળખ છુપાવવા તરીકે ગણાવી શકાય નહીં." કોર્ટે કહ્યું, "જો એવું માની લેવામાં આવે કે બપોરે 1.30 વાગ્યે ખૂબ મોડું થઈ ગયું છે, તો પણ જો નાઇટ કર્ફ્યુ ન હોય તો રસ્તા પર ફરવું એ ગુનો નથી." અલબત્ત, મુંબઈમાં નાઇટ કર્ફ્યુ નથી એટલે જો આરોપી રસ્તા પર ઊભો હોય તો એ ગુનો નથી.

આરોપીએ ઓળખ છુપાવવાનો પ્રયાસ કર્યો તેવી પોલીસની દલીલ કોર્ટે ફગાવી 
કોર્ટે પોલીસની એ દલીલને સ્વીકારવાનો ઇનકાર કર્યો હતો કે આ વ્યક્તિએ રૂમાલથી ચહેરો ઢાંકીને પોતાની ઓળખ છુપાવવાનો પ્રયાસ કર્યો હતો અને કહ્યું હતું કે, "આ કોવિડ -19 નો સમય છે અને લોકોને સલામતીના હેતુસર માસ્ક પહેરવાની ટેવ છે." જોકે માસ્ક ફરજિયાત નથી, પરંતુ માસ્ક પહેરવાની ભલામણ કરવામાં આવે છે. જો કોઈની પાસે માસ્ક ન હોય તો તે મોં ઢાંકવા માટે રૂમાલનો ઉપયોગ કરે છે. જો આરોપી પોતાનું મોઢું ઢાંકવા માટે રૂમાલનો ઉપયોગ માસ્ક તરીકે કરી રહ્યો છે, તો તેનો અર્થ એ નથી કે તે પોતાની ઓળખ છુપાવી રહ્યો છે." કોર્ટે કશ્યપને નિર્દોષ જાહેર કરતી વખતે કહ્યું હતું કે ફરિયાદી પક્ષ આરોપીનો ગુનો સાબિત કરવામાં નિષ્ફળ ગયો છે.