સૌથી ધનિક વ્યક્તિની યાદીમાં સામેલ થયેલ ગૌતમ અદાણીનું અદાણી ગ્રૂપ હાલ બેન્કોમાંનું દેવું ઘટાડવાની તૈયારી કરી રહ્યું છે.
અદાણી ગ્રૂપ હાલ બેન્કોમાંનું દેવું ઘટાડવાની તૈયારી કરી રહ્યું છે
દેવું ઘટાડવા માટે પાંચ અબજ ડોલરનું ભંડોળ એકત્ર કરવાની યોજના
અંબાણીએ પણ આ રીતે એકઠું કર્યું હતું ફંડ
એશિયાના સૌથી અમીર વ્યક્તિ અને વિશ્વના સૌથી ધનિક વ્યક્તિની યાદીમાં સામેલ થયેલ ગૌતમ અદાણીનું અદાણી ગ્રૂપ હાલ બેન્કોમાંનું દેવું ઘટાડવાની તૈયારી કરી રહ્યું છે. જણાવી દઈએ કે કંપની હાલ તેનું દેવું ઘટાડવા માટે પાંચ અબજ ડોલરનું ભંડોળ એકત્ર કરવાની યોજના બનાવી રહી છે.
બ્લૂમબર્ગમાં છપાયેલ એક અહેવાલ મુજબ અદાણી ગ્રૂપ તેના બેન્કોના વધતા દેવાને ઘટાડવા માટે Abu Dhabi Investment Authority અને Mubadala Investment Co. જેવી કંપનીઓના અધિકારીઓ સાથે વાતચીત કરી છે અને આ સિવાય કંપનીએ Canada Pension Plan Investment Board અનેQatar Investment Authority સાથે પણ વાતચીત કરી છે. જણાવી દઈએ કે આ તમામ લોકો સાથે વાત કરીને કંપનીએ ફંડ્સ અને સોવરિન વેલ્થ ફંડ ADQ વિશે જાણકારી લીધી હતી.
અદાણી ગ્રુપ જલ્દી જ એકઠું કરશે ફંડ
મીડિયા રિપોર્ટ અનુસાર અદાણી ગ્રૂપની મુખ્ય કંપની અદાણી એન્ટરપ્રાઇઝ લિમિટેડે આવતા વર્ષ સુધીનો પ્લાન કર્યો છે કે તેઓ 1.8 થી 2.4 અબજ ડોલરનું ભંડોળ એકત્ર કરી લેશે. આ સિવાય કંપનીએ આ વિશે 25 નવેમ્બર 2022ના રોજ એક બેઠક યોજવાનું પણ નક્કી કર્યું છે અને આ માટે અદાણી એન્ટરપ્રાઇઝ લિમિટેડ આવતા વર્ષ સુધીમાં 5 થી 10 અબજ ડોલરના શેર પણ ઇશ્યુ કરી શકે છે. જણાવી દઈએ કે કે મીડિયા રિપોર્ટ્સ અનુસાર આ મામલો હાલમાં માત્ર અદાણી ગ્રુપમાં ચર્ચાઈ રહ્યો છે, પણ હજુ સુધી તેના પર કોઈ અંતિમ નિર્ણય લેવામાં આવ્યો નથી. જો કે આ સાથે અદાણી ગ્રૂપ, Mubadala, ADIA અને ADQએ પણ આ વિશે કોઈ ટિપ્પણી કે સતાવાર જાહેરાત કરી નથી.
અંબાણીએ પણ આ રીતે એકઠું કર્યું હતું ફંડ
જણાવી દઈએ કે આ પહેલા ભારતના દિગ્ગજ ઉદ્યોગપતિ અને વિશ્વના સૌથી અમીર લોકોની યાદીમાં સામેલ મુકેશ અંબાણીએ પણ વર્ષ 2020માં રિલાયન્સ ઈન્ડસ્ટ્રીઝ પરની લોન સેટલ કરવા માટે બેંકને રૂ. 27 અબજ ડોલરથી વધુ ફંડ એકઠું કર્યું હતું. એક મીડિયા રિપોર્ટ્સ અનુસાર બેંકોએ અદાણી ગ્રુપને તેની લોન ઘટાડવા માટે કહ્યું છે. જણાવી દઈએ કે સપ્ટેમ્બર મહિનામાં એક રિસર્ચ ફર્મએ તેના રિપોર્ટમાં કહ્યું હતું કે અદાણીની કંપનીઓ પર નિર્ધારિત ધોરણ કરતાં વધુ દેવું છે પણ કંપનીએ તેને નકારી કાઢતા કહ્યું હતું કે આ દેવું સરકાર દ્વારા નિર્ધારિત ધોરણોની અંદર છે. એવામાં હવે કંપની આગામી દિવસોમાં તેના શેર વગેરે વેચીને 10 બિલિયન ડોલર એકત્ર કરી શકે છે.