ફેક્ટ ચેક / PM લાડલી લક્ષ્મી યોજના હેઠળ સરકાર દીકરીઓને આપી રહી છે 1,60,000 રુપિયા રોકડા? સરકારની સચ્ચાઈ આવી સામે

• સોશિયલ મીડિયા પર વાયરલ થયો વીડિયો 
• સરકાર દીકરીઓને આપી રહી છે 1.60 લાખ રુપિયા રોકડા
• પીઆઈબીએ ફેક્ટ ચેકમાં વીડિયો ફેક હોવાનું સાબિત થયું
• સરકાર આવી કોઈ સહાય આવી રહી નથી

કેન્દ્ર સરકાર દ્વારા અનેક યોજનાઓ ચલાવવામાં આવી રહી છે જેમાં સરકાર દીકરીઓ, મહિલાઓ, ખેડૂતો અને ગરીબોને આર્થિક મદદ કરે છે. સોશિયલ મીડિયા પર એક વીડિયો વાયરલ થઈ રહ્યો છે, જેમાં દાવો કરવામાં આવી રહ્યો છે કે સરકાર પીએમ લાડલી લક્ષ્મી યોજના હેઠળ દીકરીઓને રોકડ આપી રહી છે. ચાલો તમને જણાવીએ કે શું સરકાર ખરેખર આ પૈસા આપી રહી છે.

एक #YouTube वीडियो में दावा किया जा रहा है कि केंद्र सरकार द्वारा PM लाड़ली लक्ष्मी योजना के तहत सभी बेटियों को ₹1,60,000 की नगद राशि दी जा रही है। #PIBFactCheck

▶️यह दावा #फ़र्ज़ी है।

▶️केंद्र सरकार द्वारा ऐसी कोई योजना नहीं चलाई जा रही है। pic.twitter.com/JE03WlXIVY

— PIB Fact Check (@PIBFactCheck) April 17, 2022

સરકાર આવી કોઈ યોજના ચલાવી રહી નથી-પીઆઈબી ફેક્ટ ચેક 

પીઆઇબીએ એક સત્તાવાર ટ્વિટમાં લખ્યું છે કે એક યૂટ્યૂબ વીડિયોમાં દાવો કરવામાં આવ્યો છે કે કેન્દ્ર સરકાર દ્વારા પીએમ લાડલી લક્ષ્મી યોજના હેઠળ તમામ દીકરીઓને 1,60,000 રૂપિયાની રોકડ રકમ આપવામાં આવી રહી છે. આ વીડિયો સંપૂર્ણપણે નકલી છે, પીઆઈબીએ આ વીડિયો જોયો છે અને પછી તેનું ફેક્ટ ચેક કરવામાં આવ્યું છે. ફેક્ટ ચેકથી ખબર પડી કે આ વીડિયો સંપૂર્ણપણે ફેક છે. કેન્દ્ર સરકાર દ્વારા આવી કોઈ યોજના ચલાવવામાં આવી રહી નથી. જો તમે આવો કોઈ વીડિયો જોયો હોય તો તેને કોઈની સાથે શેર ન કરો.

વાયરલ  મેસેજથી એલર્ટ રહો-પીઆઈબી ફેક્ટ ચેક 
પીઆઈબીએ કહ્યું કે સોશિયલ મીડિયા પર વાયરલ થઈ રહેલા આવા મેસેજથી દરેક વ્યક્તિએ સાવચેત રહેવું જોઈએ. પીઆઈબીએ લોકોને આવા સંદેશાઓને આગળ ન મોકલવા જણાવ્યું હતું. આવા સંદેશાઓ દ્વારા લલચાવીને, તમે તમારી વ્યક્તિગત માહિતી અને નાણાંને જોખમમાં મૂકો છો.

આ રીતે ફેક્ટ ચેક કરો 

જો તમારી પાસે આવો મેસેજ હોય તો તમે ફેક્ટ ચેક પણ કરી શકો છો, તો તેના સત્ય વિશે જાણવા માટે તમે ફેક્ટ ચેક કરાવી શકો છો. પીઆઈબી દ્વારા તમે ફેક્ટ ચેક કરાવી શકો છો. આ માટે, તમારે ઓફિશિયલ લિંક https://factcheck.pib.gov.in/ મુલાકાત લેવી પડશે. આ સિવાય તમે વોટ્સએપ નંબર +918799711259 અથવા ઇમેઇલ પર પણ વીડિયો મોકલી શકો છો: [email protected].