IPLIN
 

મનોરંજન / RRR રિલીઝ થયા બાદ આલિયા છે રાજામૌલીથી નારાજ? સોશિયલ મીડિયા પર કર્યું કંઈક એવું કે વિચારમાં પડી ગયા ફેન્સ

Team VTV 01:29 PM, 29 Mar 22
Follow us
is alia bhatt unhappy with ss rajamauli

RRRનાં રિલીઝ બાદ આલિયા ભટ્ટે એસએસ રાજામૌલીને ઇન્સ્ટાગ્રામમાં અનફોલો કર્યા છે અને RRRને લગતી ઘણી પોસ્ટ પણ ડિલીટ કરી છે. આવામાં માનવામાં આવી રહ્યું છે કે તે રાજામૌલીથી નિરાશ છે.

  • શું રાજામૌલીથી નિરાશ છે આલિયા ભટ્ટ?
  • ઇન્સ્ટાગ્રામ પર કર્યા અનફોલો 
  • જાણો શું છે મામલો 

શું રાજામૌલીથી નિરાશ છે આલિયા ભટ્ટ?

ફેમસ બોલિવુડ એક્ટ્રેસ આલિયા ભટ્ટે RRR સાથે સાઉથ ઈંડસ્ટ્રીમાં પગ મુક્યા છે. ફિલ્મ ગયા શુક્રવારે સિનેમાઘરોમાં રિલીઝ થઇ ચુકી છે અને બોક્સ ઓફિસ પર ધમાલ મચાવી રહી છે. હવે એવા સમાચાર આવી રહ્યા છે કે આલિયા ભટ્ટ RRRમાં ઓછી સ્ક્રીન સ્પેસ મળવાને કારણે ખુશ નથી. તેમણે સોશિયલ મીડિયા પર કંઈક એવું કર્યું છે કે જેથી બધાનું ધ્યાન તેની તરફ ખેંચાયું છે. 

એસએસ રાજામૌલીને કર્યા અનફોલો 
જણાવવામાં આવી રહ્યું છે કે આલિયા ભટ્ટ ફિલ્મમાં ફાઈનલ એડીટિંગ બાદ પોતાના નાના રોલને લઈને નિરાશ છે, જેને કારણે તેણે ઇન્સ્ટાગ્રામ પર RRR સાથે જોડાયેલ ઘણી પોસ્ટ ડિલીટ કરી છે. જોકે એક-બે પોસ્ટ હજુ પણ જોવા મળે છે, જેમાં ફિલ્મમાં તેમનો લૂક સામેલ છે. આલિયા ભટ્ટની ફોલોવિંગ લિસ્ટથી ડાયરેક્ટર એસએસ રાજામૌલી ગાયબ છે. આવામાં માનવામાં આવી રહ્યું છે કે આલિયાએ ગુસ્સામાં રાજામૌલીને અનફોલો કર્યા છે. જોકે આ વાત કેટલી સાચી છે, શું આલિયા ભટ્ટ વાસ્તવમાં એસએસ રાજામૌલીથી નિરાશ છે, આ બાબતને લઈને એક્ટ્રેસ કે પછી રાજામૌલી તરફથી કોઈ ખુલાસો કરવામાં આવ્યો નથી. 

આ રોલમાં જોવા મળી આલિયા ભટ્ટ 
આલિયા ભટ્ટે RRRમાં સીતાની ભૂમિકા નિભાવી છે. આ ફિલ્મમાં તેમણે જુનિયર NTR, રામચરણ અને અજય દેવગણ જેવા સ્ટાર્સ સાથે કામ કર્યું છે. જોકે આલિયાનાં રોલને લઈને એવું માનવામાં આવી રહ્યું છે કે એસએસ રાજામૌલીએ આલિયાનાં સ્ટારડમનાં હિસાબે તેને ઓછો રોલ આપ્યો છે. 

ફિલ્મ બોક્સ ઓફિસ પર કરી ચુકી છે 500 કરોડનું કલેક્શન 

વર્લ્ડ વાઈડ એસએસ રાજામૌલીની ફિલ્મ RRRએ 500 કરોડની કમાણી કરી છે અને સાથે આખા વિશ્વમાં વિકેન્ડમાં સૌથી વધારે કમાણી કરનાર ફિલ્મ બની ગઈ છે. રામચરણ અને જુનિયર  NTRએ દર્શકોને દિવાના બનાવ્યા છે. આ સાથે જ ફિલ્મ કોરોના મહામારી બાદ રવિવારે સૌથી વધારે કલેક્શન કરનાર ફિલ્મ બની છે. આ ફિલ્મમાં શ્રેષ્ઠ એક્ટિંગ અને ઉમદા ડાયરેકશનનો સંગમ જોવા મળે છે. 

 

આલિયા ભટ્ટ એસએસ રાજામૌલી RRR Gujarati News
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ