બોલિવુડમાં છેલ્લા ઘણા સમયથી આલિયા ભટ્ટ અને રણબીર કપૂરના રિલેશનશિપની ચર્ચા ચાલી રહી છે. રણબીર કપૂરે થોડા સમય પહેલા આલિયા સાથે પોતાના રિલેશનશિપ વિશે સંકેત આપી દીધા છે. જ્યારે આલિયા તરફથી હજુ સુધી કોઇ પ્રતિક્રિયા આવી નથી. જોકે આલિયા પોતાના ઑફિશ્યલ સોશ્યલ મીડિયા એકાઉન્ટ્સ પર રણબીરને ફોટોઝ મૂકતી રહે છે જેને જોઇને બંને વ્ચચેની કેમેસ્ટ્રી સ્પષ્ટ દેખાય છે. આ કપલને ફેન્સ પણ પસંદ કરી રહ્યા છે.
તાજેતરમાં આલિયા-રણબીર અયાન મુખર્જીની અપકમિંગ ફિલ્મ 'બ્રહ્માસ્ત્ર'ના શૂટિંગમાં વ્યસ્ત છે. તો તાજેતરમાં જ ફિલ્મના સેટ પરથી કેટલીક એવી ફોટોઝ વાયરલ થઇ છે જેને જોઇને અટકળો લગાવવામાં આવી રહી છે કે આ કપલ હવે એકબીજા સાથે ખુશ નથી.
હાલમાં સોશિયલ મીડિયા પર જે તસવીરો વાયરલ થઈ છે તેમાં આલિયા-રણબીર એકબીજાની બાજુમાં બેઠા છે પરંતુ એકદમ મૂડલેસ..
ફોટોમાં જ્યાં એક તરફ રણબીર ફોનમાં વ્યસ્ત છે ત્યાં આલિયા બાજુમાં ગુસ્સામાં હોય તેવું દેખાઇ રહ્યુ છે. આ ફોટોઝ વાયરલ થતા ફેન્સ તેના પર કમેન્ટ્સ કરીને ચિંતા વ્યકત કરી રહ્યા છે. બંને સ્ટાર્સને આ અંદાજમાં જોઈ ફેન્સના દિમાગમાં તેમના રિલેશનશિપ અંગે ઘણા સવાલો અને અટકળો ઉઠી રહ્યાં છે.
જણાવી દઈએ કે અત્યારે અયાન મુખર્જીના નિર્દેશનમાં ‘બ્રહ્માસ્ત્ર'નું શૂટિંગ મુંબઇમાં ચાલી રહ્યુ છે. આ ફિલ્મમાં રણબીર કપૂર આલિયા ભટ્ટ સિયાય અમિતાભ બચ્ચન નાગાર્જૂન ડિમ્પલ કાપડિયા અને મૌની રોય પણ લીડ રોલમાં જોવા મળશે. આ ફિલ્મ આગામી વર્ષે ડિસેમ્બરમાં રિલીઝ થશે.