ગુજરાત / સોમનાથના દરિયાકિનારે યુવકે મહંમદ ગઝનીએ મંદિરને લૂંટ્યાની ઘટનાને બિરદાવતો ભડકાઉ વીડિયો બનાવી કર્યો વાયરલ

• સોમનાથ મંદિર નજીકના વિવાદિત વાયરલ વીડિયોનો મામલો
• મહંમદ ગઝનીએ સોમનાથ મંદિરને લૂંટ્યાની ઘટનાને બિરદાવતો વીડિયો વાયરલ
• વીડિયો બનાવનાર યુવકનું નામ ઇર્ષાદ રસીદ

ગુજરાતના સોમનાથ મંદિર અંગે ટિપ્પણી કરતો એક વીડિયો સોશિયલ મીડિયામાં વાયરલ થઇ રહ્યો છે. આ વીડિયોમાં એક શખ્સ દ્વારા ફેલાવવામાં આવી રહેલા ઝેર પર લોકો નારાજગી પણ વ્યક્ત કરી રહ્યા છે. લઘુમતિ સમુદાયના યુવકે સોશિયલ મીડિયામાં વીડિયો શેર કર્યો છે. વીડિયો વાયરલ થતા સુરક્ષા એજન્સીઓ અલર્ટ થઇ છે. સોમનાથના દરિયાકિનારેથી વીડિયો બનાવ્યો છે. વીડિયો બનાવનાર યુવકનું નામ ઈર્ષાદ રશીદ છે. ઈર્ષાદ રશીદ યુ-ટયુબ ચેનલ ચલાવે છે. તે યુવક જમાત-એ-આદિલા હિન્દ નામનું અકાઉન્ટ ધરાવે છે. પોલીસે યુવકની શોધખોળ શરૂ કરી છે. વીડિયો વાયરલ થયા બાદ સોમનાથ પોલીસ પણ એક્શનમાં આવી છે અને તપાસ હાથ ધરી છે.

જણાવી દઇએ કે, ગુજરાતમાં સોશિયલ મીડિયામાં એક વીડિયો વાયરલ થઇ રહ્યો છે. આ વીડિયોમાં એક શખ્સ નજરે આવી રહ્યો છે જે ઇસ્લામિક વેશભૂષામાં છે અને ખુદ સેલ્ફી મોડમાં એક વીડિયો શૂટ કરી રહ્યો છે. તે વીડિયોમાં સોમનાથ મંદિર તરફ ઇશારો કરીને એવી વાતો કરી રહ્યો છે, જેનાથી મોટી સંખ્યામાં લોકોએ આપત્તિ વ્યક્ત કરી.

સોમનાથ મંદિર મુદ્દે એક યુવકનું ભડકાઉ નિવેદન

વાયરલ થઇ રહેલા વીડિયોમાં દેખાઇ રહેલો વ્યક્તિ કહે છે કે, આ સોમનાથ મંદિર છે, જેને મહમૂદ ગજનવીની તારીખ જે તમે વાંચો છો હજરાત અને વાંચવી જોઇએ આપણે, મોહમ્મદ ઈબને-કાસિમ, અલ્લાહનો આભાર છે કે મુસ્લિમોની જે તારીખ છે, તે રોશન તારીખ છે, આપણે કોઇ પણ અતીબારથી ન દબાવવાની, ન ઝૂકવાની કોઇ પણ અતિબારથી નથી. અલ્હમ્દુલિલ્લાહ, અમારે અસલાફે મોટો કારનામાને અંજામ આપ્યો હતો. આપણે જોઇએ કે આપણે તે કારનામાને ખુદ પણ વાંચ્યા અને બીજાને પણ વંચાવ્યા અને દેખાડ્યા કે અમારા કારનામા, અલ્હમ્દુલિલ્લાહ રોશન બાબની અંદર લખેલા છે.

સોમનાથ મંદિર મુદ્દે ઈર્ષાદ રશીદ નામના યુવકનો ભડકાઉ નિવેદન વાળો વીડિયો સામે આવ્યો છે. વીડિયોમાં મહંમદ ગઝનીએ સોમનાથ મંદિરને લૂંટ્યાની ઘટનાને બિરદાવતો નજરે પડી રહ્યો છે.#SomnathTemple pic.twitter.com/fKTbGz5j1I

— VTV Gujarati News and Beyond (@VtvGujarati) March 16, 2021

તે એટલા પર ન અટક્યો, વધુમાં કહે છે કે હવે જરૂરિયાત છે કે જે નસલ આ સમયમાં જે નસલ-એ-નૌહ ચાલી રહી છે એ પણ પોતાના અસલાફની, પોતાના આબો અવદાદની, તે તારીખી કારનામુ, જે રીતે મોહમ્મદ ઇબને-કાસિમે દરિયો પાર કરીને સમગ્ર હિન્દુસ્તાન પર ફતેહ કરી અને આ પ્રકારે મહમૂદ ગજનવીએ મોટું કામ કર્યું છે. તે અલ્લાહનો અહેસાન છે કે તમામના તમામ અલ્લાહના વલી હતા તેમાં કોઇ શંકા નથી. આજની તારીખ ભલે તેમને ચોર અને ડાકૂ કહે કે આજ પ્રકારથી જો પણ કંઇ કહેતા રહે પરંતુ હંમેશા તારીખ એજ મુંસિફ અને એજ રીતે ઇન્સાફ પસંદ અને દીનની ઇસાદ કરનારો, ઇસ્લામની ઇશાદ કરનારો મળી આવ્યો. આ તમામના તમામ દરિયા તમે જરાત જોઇ રહ્યા છો અને જેના મુતાલ્લિક કહેવામાં આવ્યા, આમ તો તે શેર તવકુફના હવાલાથી છે, 'કિ દૂર બેઠા કોઇ તો દુઆએ દેતા હે, મેં ડુબતા હું સમુંદર ઉછાલ દેતા હે.'

ત્યારબાદ વીડિયો બનાવી રહેલો શખ્સ સોમનાથ મંદિર તરફ ઇશારો કરતા કહે છે કે આ સામે સોમનાથ મંદિર જોઇ રહ્યા છો. ત્યાંથી અંદાજિત અડધો કિલોમીટર દૂર છે. હમણા અમે ત્યાં પણ ગયા હતા.