દક્ષિણ-મધ્ય ગુજરાત અને સૌરાષ્ટ્રમાં નહીં સર્જાય પાણીની તંગી પરંતુ કચ્છમાં કટોકટી!: પરબત પટેલ

ગાંધીનગર: ભાદરવીમાં પણ ગુજરાતના કેટલાક ક્ષેત્રોમાં મેઘ મહેર થઇ છે. જેને લઇ પાણીની તકલીફ થોડા અંશે ઓછી થઇ છે. પરંતુ સિંચાઇના પાણીની તકલીફ ખેડૂતોને પડવાની શક્યતાઓ છે. રાજ્યમાં વરસાદ અને પાણીની સ્થિતિ પર સિંચાઇ મંત્રી પરબત પટેલે નિવેદન આપ્યું હતું.

તેમણે કહ્યું કે દક્ષિણ ગુજરાત અને સૌરાષ્ટ્રમાં શરૂઆતમાં વરસાદ પડ્યો છે. છેલ્લા બે દિવસમાં મધ્ય ગુજરાતમાં સારો વરસાદ પડ્યો છે. ગુજરાતના 203 જળાશયોમાંથી 28 જળાશયો 100% ભરાયાં છે.
 

નર્મદા ડેમની સપાટીમાં ધરખમ વધારો
મધ્યપ્રદેશના ઉપરવાસમાંથી પાણીની આવક થતા સરદાર સરોવર નર્મદા ડેમની સપાટીમાં વધારો થયો છે. ઉપરવાસમાંથી 83 હજાર ક્યુસેક પાણીની આવક થઈ રહી છે. હાલની ડેમની સપાટી 127.30 મીટરે પહોંચી છે. બે કલાકમાં ડેમમાં પાણીની આવકમાં 5 સેન્ટીમીટરનો વધારો થયો છે. જેના કારણે ડેમમાંથી પાણી છોડવામાં આવી રહ્યુ છે. હાલ ડેમમાંથી પાણીની જાવક 10528 ક્યુસેક છે. હાલ ડેમમાં 2400 MCM પાણીનો લાઈવ સ્ટોરેજ જથ્થો છે.