બોલિવૂડના મહાન અભિનેતાઓમાંથી એક ઇરફાન ખાનની છેલ્લી ફિલ્મ વર્ષ 2021મા રિલીઝ થવા જઇ રહી છે. ઇરફાનની આ ફિલ્મનું નામ ધ સોન્ગ ઓફ સ્કોર્પિયંસ છે. આ ફિલ્મ લાંબા સમયથી અટકી હતી અને હવે મેકર્સે તેને રિલીઝ કરવાની તૈયારી બતાવી છે.
ટ્રેડ એનાલિસ્ટ તરણ આદર્શે આ ફિલ્મ રિલીઝ થવાની છે તેવું એલાન કર્યુ છે. તેમણે ફિલ્મનું મોશન પોસ્ટર શેર કરતા લખ્યું કે ઇરફાનની છેલ્લી ફિલ્મ...#TheSongOfScorpions...2021માં રજૂ થશે.
આ છે ઇરફાનની ફિલ્મની કહાણી
તમને જણાવી દઇએ કે, ધ સોન્ગ ઓફ સ્કોર્પિયન્સની કહાણી એક આદિવાસી મહિલા નૂરન પણ આધારિત છે. જે વિંછીનું ઝેર ઉતારવાનું કામ કરે છે. રાજસ્થાનના જેસલમેરમાં માન્યતા છે કે વિંછી કરડે એટલે 24 કલાકમાં જ તે વ્યક્તિ મૃત્યુ પામે છે. આનો માત્ર એક જ ઇલાજ છે, કોઇ આવીને ગીત ગાઇને તે ઝેરને ઉતારી દે. નૂરને તે કળા તેની દાદી પાસે શીખી છે. ઇરફાન ખાનનું પાત્ર ફિલ્મમાં તેવું છે કે તે નૂરનનો અવાજ સાંભળીને એટલો મોહિત થઇ જાય છે તે તેની સાથે લગ્ન કરવા માટેનો પ્રસ્તાવ મૂકી દે છે.
જાણકારી અનુસાર આ ફિલ્મના નિર્માતા નવા વર્ષના અવસર પર ઇરફાનની આ છેલ્લી ફિલ્મ સિનેમાઘરોમાં રિલીઝ કરશે. બસ આ જ તેમને આપેલી સાચી શ્રદ્ધાંજલિ હશે. હાલ આ ફિલ્મની રિલીઝ ડેટ સામે આવી નથી. ઇરફાન ખાને આ દુનિયાને 29 એપ્રિલ 2020ના રોજ અલવિદા કહી દીધુ હતુ. તે કેન્સર સામે લડી રહ્યાં હતા.
સુતાપાએ કરી ડ્રગ લીગલ કરવાની માગ
સુતાપાએ લંડનના હોસ્પિટલની એક તસવીર શૅર કરી હતી ઇરફાનનો ઇલાજ થતો હતો સાથે જ CBD ઓઇલ લીગલ કરવાની માગ કરી છે જેને જોઇને લોકો હેરાન થઇ ગયા હતા. સુતાપાએ પોસ્ટના કેપ્શનમાં લખ્યુ હતુ કે, લંડનની આ હોસ્પિટલને હું આજે પણ એ જ નજરે જોવુ છુ, જ્યારે ઇરફાન અહીંયા હતા અને જોતી હતી. કાશ તમે અહીંયા હોત. સાથે જ હેશટેગ પણ યુઝ કર્યા હતી જેમાં એક હેશટેગમાં સીબીડી ઓઇલને લીગલાઇઝ કરવાની વાત કરી હતી
CBDઓઇલ માટે માનવામાં આવે છે કે તે પિડામાં રાહત આપે છે. ઘણા કેન્સર પેશન્ટ્સને પણ આ ઓઇલ લેવાની સલાહ આપતા હોય છે. સુશાંત સિંહ રાજપૂત કેસમાં ડ્રગ્સ એન્ગલ સામે આવ્યા બાદ ચર્ચા શરૂ થઇ ગઇ હતી કે જો આ ડ્રગ લીગલ નથી તો આટલી આસાનીથી કેવી રીતે મળી રહ્યુ છે.
સુશાંત કેસમાં ઇડીએ એક્ટરની ટેલેન્ટ મેનેજર જયા સાહાની ચેટને રિટ્રીવ કરી હતી જેમાં આ વાત હતી. જયા એ સુશાંતને CBD ઓઇલ આપવાની વાત કરી હતી. આ ઓઇલને લઇને શ્રદ્ધા કપૂર પણ ડ્રગ કનેક્શનમાં ફસાઇ છે.