બોલીવૂડ એક્ટર ઇરફાન ખાનની તબિયત આચાનક બગડતા તેમને હોસ્પિટલમાં સારવાર અર્થે ખસેડવામાં આવ્યા છે. નોંધનીય છે કે, ઇરફાનને મુંબઇ સ્થિત કોકિલાબેન હોસ્પિટલમાં ICUમાં દાખલ કરવામાં આવ્યા છે.
બોલીવૂડ એક્ટર ઇરફાન ખાનની તબિયત બગડી
મુંબઇની હોસ્પિટલમાં કરાયા દાખલ
પ્રાપ્ત થતી જાણકારી પ્રમાણે તાજેતરમાં જ તેમના માતા સઇદા બેગમનું નિધન થયું હતું. આ સમયે તેઓ લૉકડાઉનને કારણે ઘરથી દૂર હતા અને તેમણે વીડિયો કોન્ફરન્સ દ્વારા માતાને અંતિમ વિદાય આપી હતી હાલ ઇરફાન મુંબઇમાં છે.
ન્યુરોએન્ડ્રોક્રાઇન ગાંઠની બીમારી છે ઇમરાનને
થોડા વર્ષો પહેલા, ઇરફાનમાં ન્યુરોએન્ડ્રોક્રાઇન ગાંઠો મળી આવી હતી. 54 વર્ષીય ઇરફાન આ બિમારીની સારવાર કરાવી રહ્યા છે. આ સમય દરમિયાન તે બોલિવૂડથી દૂર રહ્યો હતો. તે લાંબા સમયથી આ રોગમાંથી સ્વસ્થ થયા બાદ બોલિવૂડમાં પરત ફર્યો હતો અને તાજેતરમાં જ તેમની અંગ્રેજી મીડિયમ ફિલ્મ રિલીઝ થઇ છે. બીમારી બાદની તેમની આ પ્રથમ ફિલ્મ છે. પરંતુ કોરોનાના કહેર વચ્ચે આ ફિલ્મ કોમર્શિયલ રીતે બહુ સારી સફળતના હાંસલ ન કરી શકી.
ઘણી જાણીતી હિન્દી ફિલ્મોમાં તેઓ કરી ચૂક્યા છે કામ
ઇરફાન ખાને 'પાન સિંહ તોમર', 'હાસિલ', 'મકબૂલ' અને 'પીકૂ'માં શાનદાર કામ કર્યું છે. પહેલી ફિલ્મ હિંદી મીડિયમમાં ઇરફાનના અપોઝિટ પાકિસ્તાની એક્ટ્રેસ સબા કમર નજરે આવી હતી. તાજેતરમાં હિંદી મીડિયમ 2 માટે કરીના કપૂર ખાનનું નામ સામે આવ્યું છે. આ ઉપરાંત કહેવામાં આવ્યું છે કે ફિલ્મમાં રાધિકા મદાન એની પુત્રીના રોલમાં નજરે આવી શકે છે.