જો તમે પોતાનું ઘર બનાવવાનું વિચારતા હો તો મોડું કર્યા વગર અત્યારથી જ બિલ્ડિંગની સામગ્રીની ખરીદી શરૂ કરી દો, જેટલું મોડું કરશો એટલું સિમેન્ટ-સળિયા મોંઘા થઇ શકે છે.
ફરી વધવા લાગ્યા સળિયા અને સિમેન્ટના ભાવ
સળિયા હજુ પણ પીકથી નજીક આવ્યા
ફટાફટ બનાવી લો પોતાનું મકાન
પોતાના ઘરનું સપનું પૂરું કરવા માટે લોકો વર્ષો સુધી તૈયારીઓ કરે છે. પહેલા જમીન ખરીદવા માટે પૈસા એકઠા કરે, પછી મકાન બનાવવા માટે રૂપિયા જમા કરે, ત્યારબાદ મોંઘવારી, મજૂરી, જેવા અનેક ફેક્ટર છે, જેના કારણે લોકોને ડ્રીમ હોમ મળવામાં મોડું થતું જાય છે. થોડા મહિનાઓ પહેલા સુધી પરિસ્થિતિ હતી કે બિલ્ડિંગ બનાવવાની સામગ્રીઓના ભાવ આસમાને પહોંચવા લાગતા લોકો પોતાનું ઘર બનાવવાનું સપનું પૂરું કરવામાં કાચા પડી રહ્યા હતા.
ફરી વધવા લાગ્યા સળિયાના ભાવ
આ વર્ષ માર્ચ-એપ્રિલમાં બિલ્ડિંગ બનાવવાની સામગ્રીઓના ભાવ ટોચ પર હતા. ત્યારબાદ સળિયા, સિમેન્ટ જેવી સામગ્રીઓના ભાવ ઝડપથી ઘટવા લાગ્યા. આ મહિનાના પહેલા અઠવાડિયા સુધી સળિયા અને સિમેન્ટના ભાવ સતત ઘટ્યા. સળિયામાં તો ભાવ અડધા થઇ ગયા હતા. જોકે હવે છેલ્લા એક બે દિવસથી સળિયાના ભાવનો ટ્રેક બદલાયો છે. માત્ર એક જ દિવસમાં સળિયા કેટલીક જગ્યાઓ પર 1000 રૂપિયા પ્રતિ કિલો સુધી મોંઘા થયા છે. સીમેન્ટના ભાવ પણ 10-20 રૂપિયા બોરી સુધી વધ્યા છે. આ કારણે એક વખત ફરીથી બિલ્ડિંગ સામગ્રીઓના ભાવ વધવાનો ખતરો તોળાઇ રહ્યો છે. તેવામાં ઘર બનાવવાની તૈયારી કરતા લોકોને મોડું કરવું ભારે પડી શકે છે.
કેટલાક શહેરોમાં 1000 રૂપિયા સુધી મોંઘા થયા સળિયા
જોકે સળિયાની વાત કરીએ તો બે-ત્રણ દિવસની તુલનામાં હજુ પણ આનો ભાવ અંદાજિત અડધો જ છે. આ અઠવાડિયામાં ભલે સળિયાના ભાવમાં 1100 રૂપિયા પ્રતિ ટન સુધી તેજી આવી છે, પરંતુ પોતાના પીકથી આ હજુ પણ ખુબ નીચે છે. માર્ચમાં કેટલીક જગ્યાઓ પર સળિયાના ભાવ 85 હજાર રૂપિયા ટન સુધી પહોંચી ગયા હતા. ગત અઠવાડિયે આ ઓછા થઇને કેટલીક જગ્યાઓ પર 44 હજરા રૂપિયા ટનની નજીક આવી ગયા. માત્ર લોકલ જ નહીં પરંતુ બ્રાન્ડેડ સળિયાના ભાવ પણ છેલ્લા કેટલાક મહિનામાં ઘણા ઓછા થઇ ગયા છે. હજુ બ્રાન્ડેડ સળિયાના ભાવ ઓછા થઇને 80-85 હજાર રૂપિયા પ્રતિ ટન પર આવી ગયા છે. માર્ચ 2022માં બ્રાન્ડેડ સળિયાનો ભાવ 01 લાખ રૂપિયા પ્રતિ ટનની નજીક પહોંચી ગયો હતો. આ ચાર્ટમાં જોઈએ તો સળિયાના સરેરાશ ભાવ ક્યારે ઓછા-વધુ થયા છે...
સરિયાની સરેરાશ પોતાની કિંમત (રૂપયા પ્રતિ ટન):
નવેમ્બર 2021 : 70,000
ડિસેમ્બર 2021 : 75,000
જાન્યુઆરી 2022 : 78,000
ફેબ્રુઆરી 2022 : 82,000
માર્ચ 2022 : 83,000
એપ્રિલ 2022 : 78,000
મે 2022 (શરૂઆત) : 71,000
મે 2022 (અંત): 62-63,000
જૂન 2022 (શરૂઆત): 48-50,000
જૂન 2022 (13 જૂન): 47-48,500
હવે આ ચાર્ટમાં જોઈએ કે ભારતના પ્રમુખ શહેરોમાં હજુ સળિયાનો શું રેટ ચાલી રહ્યો છે. આયરનમાર્ટ વેબસાઇટ સળિયાના ભાવની વધ-ઘટ પર નજર રાખે છે અને તેના આધારે ભાવની અપડેટ કરે છે. આનાથી એ વાત પણ ખબર પડી જશે કે ગત અઠવાડિયાની તુલનામાં કેટલાક શહેરોમાં સળિયાના ભાવ કેટલા વધ્યા છે. જોકે કેટલાક શહેરોમાં હજુ પણ સળિયાના ભાવમાં ઘટાડો ચાલી રહ્યો છે. તમામ ભાવ રૂપિયા પ્રતિ ટનમાં છે.