ફી / હોલિવુડના આ એક્ટરને એક ફિલ્મ માટે મળ્યા 524 કરોડ રૂપિયા

'એવેન્જર્સઃ એન્ડ ગેમ' બોકસ ઓફિસ પર નવા રેકોર્ડ બનાવી રહી છે. ફિલ્મનું ગ્લોબલ કલેકશન રૂ.10000 કરોડ નજીક પહોંચી ગયું છે. ભારતમાં પણ આ ફિલ્મે રૂ.200 કરોડનો આંકડો માત્ર પાંચ દિવસમાં પાર કરી લીધો છે. આ ફિલ્મે ભારતમાં મંગળવાર સુધી 217.50 કરોડનો બિઝનેસ કર્યો છે. આ પહેલી હોલિવૂડ ફિલ્મ છે જેણે આટલી ઝડપથી દેશમાં રૂ.200 કરોડનો આંકડો પાર કર્યો છે.

'એવેન્જર્સઃ એન્ડ ગેમ'ના સ્ટાર્સ પણ ભારતીય ફિલ્મો પર ભારે પડી રહ્યા છે. ફિલ્મમાં સૌથી મહત્ત્વની ભૂમિકા ભજવનાર આયર્નમેન એટલે કે રોબર્ટ ડાઉની જુનિયરને મળેલી ફી જોઇએ તો તે બાહુબલીઃ ધ કન્કલુઝનના બજેટ કરતાં બે ગણી છે. આ બજેટમાં ભારતમાં બાહુબલી જેવી બે ફિલ્મો બની જાય.

બાહુબલીનું પાત્ર ભજવનાર પ્રભાસને રૂ.25 કરોડ ફી મળી હતી. જ્યારે આયર્નમેનના રોબર્ટને માર્વલ સ્ટુડિયોની આ રરમી ફિલ્મ માટે રૂ.524 કરોડ મળ્યા હતા. ઇન્ડિયન બોકસ ઓફિસ પર આ ફિલ્મ ખૂબ જ જલદી 2019માં તમામ ફિલ્મને પાછળ છોડીને સૌથી વધુ કમાનારી ફિલ્મ બની જશે. હમણાં જાન્યુઆરીમાં રિલીઝ થયેલી ઊરીઃ ધ સર્જિકલ સ્ટ્રાઇક અત્યારે ટોપ પર છે. તેણે 245 કરોડનું કલેકશન કર્યું હતું.

માર્વેલ સ્ટુડિયોનો લીડ એકટર છે રોબર્ટ ડાઉની જુનિયર
એવેન્જર્સ સિરીઝના મુખ્ય અભિનેતાઓમાંથી રોબર્ટ ડાઉની જુનિયરને ગયા વર્ષે આવેલી એવેન્જર્સ ઇન્ફિનિટી વોર માટે લગભગ 75 મિલિયન ડોલર એટલે કે રૂ.524 કરોડની ફી ચૂકવાઇ હતી. ભારતની સૌથી મોટી ફિલ્મોમાં નંબર વન ગણાતી બાહુબલી ધ કન્કલુઝનનું ટોટલ બજેટ રૂ.250 કરોડ હતું. આ ઉપરાંત ભારતની સૌથી મોંઘી ફિલ્મ 2.0નું બજેટ પણ રૂ.543 કરોડ એટલે કે રોબર્ટની એક ફિલ્મની ફી બરાબર હતું. 

રોબર્ટનો ફિલ્મના પ્રોફિટમાં ભાગ
રોબર્ટ આ સિરીઝ માટે સૌથી વધુ ફી મેળવનાર અભિનેતા છે. બાકીના સ્ટાર તેની આસપાસ પણ નથી. આ સિ‌રીઝની છેલ્લી બે ફિલ્મોમાં થોરની ભૂમિકા માટે ઓસ્ટ્રેલિયાઇ એકટર ક્રીશ હેમ્વર્થને રૂ.145થી 194 કરોડ ફી અપાઇ હતી. કેપ્ટન અમેરિકાને રૂ.104 કરોડ ચૂકવાયા હતા. આવા સંજોગોમાં રોબર્ટને સૌથી હાઇએસ્ટ ફી મળી છે. તેનો માર્વેલ સ્ટુડિયો સાથે કરાર છે. ફી ઉપરાંત તેને ફિલ્મની કમાણીમાંથી કેટલોક હિસ્સો પણ આપવામાં આવે છે.