વિવાદ / એક તરફ રાણીની દફનવિધિ થઈ અને આ દેશમાં રાજાશાહી ખતમ કરવાની ઉઠી માગ, લોકો રસ્તા પર ઉતરી આવ્યા

• આયરલેન્ડની રાજધાનીમાં વિરોધ કૂચ કરવામાં આવી
• રાજાશાહીના અંત માટે આયરલેન્ડમાં વિરોધ પ્રદર્શન
• દેખાવકારોએ 'RIP બ્રિટિશ સામ્રાજ્ય'ના નારા લાગ્યા

બ્રિટનની મહારાણી એલિઝાબેથ દ્વિતીયના મૃત્યુ બાદ અનેક જગ્યાએ રાજાશાહીનો અંત લાવવાની માગ ઊઠી છે. એક રિપોર્ટમાં ખુલાસો થયો છે કે, રાજાશાહીના અંત માટે આયરલેન્ડમાં વિરોધ પ્રદર્શન થઇ રહ્યા છે. રાણીની અંતિમયાત્રાની પ્રક્રિયા પૂર્ણ થઇ હતી અને આ દરમિયાન આયર્લેન્ડમાં રાજાશાહી વિરોધી દેખાવકારોએ 'RIP બ્રિટિશ સામ્રાજ્ય' શબ્દનો ઉપયોગ કરીને એક શબપેટી નદીમાં ફેંકી દીધી હતી.

આયરલેન્ડની રાજધાનીમાં વિરોધ કૂચ
મીડિયાના એક અહેવાલ મુજબ જ્યારે મહારાણી એલિઝાબેથ દ્વિતીયના અંતિમ સંસ્કાર કરવામાં આવી રહ્યા હતા ત્યારે જે લોકો રાજાશાહીનો અંત જોવા માગે છે તેમણે આયરલેન્ડની રાજધાનીમાં એક વિરોધ કૂચનું આયોજન કર્યું હતું. આ કાર્યવાહી એન્ટી-ઈમ્પિરિયલિસ્ટ એક્શન આયર્લેન્ડે કરી હતી. કૂચ દરમિયાન, ભાગ લેનારાઓમાંના કેટલાક આયર્લેન્ડની રાજધાનીમાં એક નદીની સામે રોકાયા હતા અને કાળા કપડામાં લપેટાયેલું શબપેટી નદીમાં ફેંકી દીધું હતું.

Along the march, a coffin marked "RIP British Empire" was thrown into the Liffey at O'Connell Street, just as James Connolly did in 1897 to protest the visit of Victoria. pic.twitter.com/XPzhOB1x5i

— Anti Imperialist Action Ireland (@AIAIreland) September 19, 2022

સાચી લોકશાહી આપવાની માંગ 
આ સમુહે લખ્યું કે "આજે બપોરે, એન્ટી-ઇમ્પિરિયલિસ્ટ એક્શને બેરેસફોર્ડ પ્લેસમાં જેમ્સ કોનોલી સ્ટેચ્યુથી વિરોધ કૂચ શરૂ કરી હતી, જે જીપીઓ પર સમાપ્ત થઈ હતી. કૂચ દરમિયાન, વિરોધીઓએ એક શબપેટી પણ રાખી હતી જેમાં RIP બ્રિટીશ મોનાર્ક એટલે કે બ્રિટીશ સામ્રાજ્યનો અંત. આ શબપેટીને ઓ'કોનેલ સ્ટ્રીટ પર લિફી નદીમાં ફેંકી દેવામાં આવી હતી. યુવાનોએ નારા લગાવ્યા, "રાજાશાહીનો અંત લાવો અને લોકોને સાચી લોકશાહી આપો!"

બ્રિટીશોને બહાર કાઢવાના નારા લાગ્યા
કૂચ કરનારાઓએ "યુ ટુ બ્રિટિશ કિંગ, વી ટુ ગિલોટિન" અને "બ્રિટીશને હમણાં જ બહાર કાઢો!" ના નારા લગાવ્યા હતા. એટલે કે બ્રિટિશ સામ્રાજ્ય અહીંથી નીકળો. વિરોધ પ્રદર્શન દરમિયાન સેંકડો પોલીસ હાજર હતી. પ્રદર્શનકારીઓએ રાણીના અંતિમ સંસ્કારના દિવસે આયરિશ ધ્વજ અડધી કાઠીએ ફરકાવીને પણ વિરોધ કર્યો હતો. તેના વિરોધમાં દેખાવકારોએ રાજધાનીમાં જનરલ પોસ્ટ ઓફિસની ઇમારત પર કબજો કરવાની યોજના પણ બનાવી હતી, પરંતુ તેઓ નિષ્ફળ ગયા હતા.

Along the march, a coffin marked "RIP British Empire" was thrown into the Liffey at O'Connell Street, just as James Connolly did in 1897 to protest the visit of Victoria. pic.twitter.com/XPzhOB1x5i

— Anti Imperialist Action Ireland (@AIAIreland) September 19, 2022

ઝંડો અડધી કાઠીએ ફરકાવ્યો
પ્રદર્શનકારીઓના જણાવ્યા અનુસાર, એક વિદેશી સરમુખત્યારના અંતિમ સંસ્કાર માટે જીપીઓની ઉપરનો તિરંગો અડધો નમી ગયો છે, જે દર્શાવે છે કે બ્રિટીશ શાહી પરિવારે આયર્લેન્ડને દુ:ખ સિવાય બીજું કશું જ આપ્યું નથી. ગયા અઠવાડિયે, પોપ ટ્વિન્સ ઝવર્ડે ક્વીનના મૃત્યુના થોડા દિવસો પછી જ રાજાશાહીનો અંત લાવવાની વાત સોશિયલ મીડિયા પર કરી હતી.