જીવનસફર / 'અંગ્રેજી મીડિયમ'ના કલાકાર ઈરફાનને સ્કૂલમાં ઈંગ્લિશ સરખું ન બોલી શકતા મળતી હતી સજા

• તેમણે સીરિયલ કિલરથી માંડી ઠગ સુધીના આ સીરિયલોમાં કામ કર્યુ
• ઈરફાને કહ્યુ હતું કે મને જીવવાનો મોકો મળશે તો હું પત્ની માટે જીવવા માંગુ છું
• ક્રિકેટર બનવું હતુ પણ પરિવારે ના પાડી, તો ઈન્ડસ્ટ્રીને સારો અભિનેતા મળ્યો

આ રીતે કરી અભિનયની શરુઆત

ઈરફાને એક મીડિયા ઈન્ટરવ્યૂહમાં પોતાના એક્ટિંગ કરિયર અંગે વાત કરી હતી. જેમાં તેમણે જણાવ્યુ હતું કે,  હું એક દિવસ રવિન્દ્ર મંચની ઓફિસ ગયો હતો અને ત્યાં હાજર રહેલા લોકોને મેં કહ્યું હતું કે મારે નાટકમાં કામ કરવું છે. જવાબ મળ્યો કે આ તો ઓફિસ છે. અહીંયા નાટક થતા નથી. તમે નાટક મંડળીને મળો. પછી મેં નાટક મંડળીનો સંપર્ક કર્યો. અહીંથી મારી એક્ટિંગ કરિયરની સફરની શરૂઆત થઈ હતી. મારું પહેલું નાટક ‘જલતે બદન’ હતું.

જયપુરના આ પરિવારમાં થયો હતો જન્મ

ઈરફાનનો જન્મ જયપુરના પઠાણ પરિવારમાં થયો હતો. તેમને પરિવાર ટોંકના એક ગામમાં રહેતો હતો. જયપુરમાં નાટક શીખ્યા બાદ ઈરફાન દિલ્હી ગયા હતાં. અહીંયા નેશનલ સ્કૂલ ઓફ ડ્રામામાં તેમણે પ્રવેશ મેળવી તેનો અભ્યાસ કર્યો આ બાદ તેઓ મુંબઈ ગયા હતાં. 

ક્રિકેટનો હતો શોખ

ઈરફાનને ક્રિકેટનો પણ શોખ હતો.  તેઓ જયપુરમાં ક્રિકેટ રમતા હતા. આ કારણે તેઓ સીકે નાયડુ ટ્રોફીમાં સિલેક્ટ થયા હતા. જોકે, પરિવારે ક્યારેય ક્રિકટેર તરીકે કરિયર બનાવવાની પરવાનગી ન આપી. તેઓ ક્રિકેટથી દૂર થયા અને થિયેટર સાથે જોડાઈ ગયા.

આ રીતે તેઓ અંગ્રેજી માધ્યમાં ભણવા ગયા 

ઈરફાને શરૂઆતનો અભ્યાસ જયપુરમાં કર્યો હતો. ઈરફાનને ભણવામાં બહુ રસ નહોતો તેમનુ ધ્યાન સતત અભિનય પર જ હતું. તેમના મિત્રો અને સંબંધોના કહેવા પ્રમાણે તેઓ ખૂબ શરમાળ હતા. ઈરફાને એક ઈન્ટરવ્યૂમાં કહ્યું હતું કે ઘરમાં અભ્યાસને લઈ ઘણો જ ગંભીર માહોલ રહેતો. જયપુરમાં શરૂઆતનો અભ્યાસ સરકારી સ્કૂલમાં કર્યો હતો. જોકે, તેમની માતા હંમેશાંથી ઈચ્છતી કે તે અંગ્રેજી સ્કૂલમાં ભણે. આથી જ તેમને અંગ્રેજી મીડિયમમાં મૂકવામાં આવ્યા હતાં. શરૂઆતમાં તેમને અંગ્રેજી સમજવામાં તથા બોલવામાં તકલીફ થતી હતી. સ્કૂલમાં અંગ્રેજીમાં ના બોલે તો તેમને ઘણીવાર સજા પણ થતી હતી. 

તેમણે સીરિયલ કિલરથી માંડી ઠગ સુધીના આ સીરિયલોમાં કામ કર્યુ.  ચંદ્રકાન્તા એમાંની એક રહી

ઈરફાન ખાતે ફર્શથી અર્શ સુધીની સફર ખેડી છે. તેમણે ‘ચંદ્રકાન્તા’માં કામ કર્યુ છે. તેઓ આ સીરિયલમાં કામ કરવા નહોતા માંગતા પણ શોનો ભાગ રહેલા શાહબાઝ ખાને તેમને રાજી કર્યા હતા.  આ બાદ તેઓએ 1991માં રિલિઝ થયેલી ‘ચાણક્ય’માં જોવા મળ્યા હતા. એ બાદ તેઓ સાયકોલોજિકલ થ્રીલર ટીવી શો કે જે અનુરાગ કશ્યપે લખી હતી. તેમાં નજરે પડ્યા હતા. ‘ભારત એક ખોઝ’ના એક એપિસોડમાં તેમણે કામ કર્યુ હતું. જેમાં તેમનો રોલ અકબરના જમાનના પ્રખ્યાત ઈતિહાસ કાર અબ્દ-ઉલ-કાદિર બદૌનીનું હતુ. આ ઉપરાંત તેમણે ‘જસ્ટ મોહબ્બત’, ‘બનેગી અપની બાત’ અને ‘માનો યા ના માનો’માં પણ કામ કર્યુ હતુ. તેઓ ટીવી ‘શો ભવર’માં પણ નજરે પડ્યા છે. જેમાં તેમણે ઠગનો રોલ કર્યો છે. તેઓ ટીવીથી કંટાળીને ફિલ્મોમાં આવ્યા હતા.

આ રીતે ઈરફાન સુતપાના પ્રેમમાં પડ્યા, પણ કરિયર માટે લગ્ન ટાળ્યા

દિલ્હી નેશનલ સ્કુલ ઓફ ડ્રામામાં સિલેક્ટ થયા અહીં જ તેમની મુલાકાત સુતપા સિકંદર સાથે થઈ હતી. સુતપા ત્યાં એક્ટિંગ શીખવા આવી હતી પણ તેઓને સ્ક્રીનપ્લે રાઈટિંગમાં વધારે રસ હતો. તે પહેલી નજરમાં જ ઈરફાનને ગમી ગઈ હતી.  ઈરફાને અચકાતા અચકાતા પોતાનો પરિચય આપ્યો હતો. એ બાદ બન્ને મિત્ર બન્યા. પ્રેમ થયો. બન્ને કરિયર બનાવવા માંગતા હોઈ તેમણે લગ્ન ટાળવાનું નક્કી કર્યુ.  વર્ષ 1995માં ઈરફન અને સુતપાને ઈન્ડસ્ટ્રીમાં ઓળખ મળી ગઈ હતી. એ બાદ આજ વર્ષે ફેબ્રુઆરીમાં કોર્ટ મેરેજ કર્યા. તેઓ બે સંતાનોના માતા પિતા પણ બન્યા.

ઈરફાન અને તેની પત્નીએ જે શોમાં કામ કર્યુ એ 90ના દાયકાનો સફળ શો હતો

સુતપા અને ઈરફાને ટીવી સીરિયલ ‘બનેગી અપની બાત’માં સાથે કામ કર્યુ હતુ. સુતપા સ્ક્રીનપ્લે રાઈટર હતી તો ઈરફાન અભિનય કરી રહ્યા હતા.જે 90ના દાયકાના સૌથી સફળ શોમાંનો એક હતો.

ઈરફાનની પત્ની સુતપા સિકદરને કહ્યુ હતું કે મને જીવવાનો મોકો મળશે તો હું તારા માટે જીવવા માંગુ છું. 

ઈરફાને તેમની પત્ની વિશે કહ્યુ હતું કે અમે એક જ ફિલ્મ સ્કુલમાં ભણ્યા છીએ પણ અભ્યાસ અને અનેક બાબતોમાં મારી પત્ની મારા કરતા ઘણી સારી હતી. તેનામાં ઘણી રચનાત્મક ઉર્જા છે. જેની સુંદરતા તેની સુંદર ફિલ્મોમાં તથા સ્ટોરીમાં જોવા મળે છે. ’ તેમણે કહ્યુ કે મારી પત્ની વિશે બીજુ શું કહુ તે 24 કલાક અને 7 દિવસ મારી સાથે ઊભી રહી. જેના કારણે મને મદદ મળી છે. મને મોકો મળશે તો હું તેના માટે જીવવા માંગુ છું.’