આયરલેન્ડની વિમાન કંપની 'રેયાનએયર'ના વિમાનમાં ઓક્સિજનનું સ્તર ઓછુ હોવાથી યાત્રિઓની હાલત બગડી હતી. ફ્રેન્કફર્ટના હાન એરપોર્ટ પર વિમાનની ઈમર્જન્સી લેન્ડિંગ કરાવવી પડી હતી. વિમાનમાં સવાર 33 લોકોને હોસ્પિટલ પહોંચાડવામાં આવ્યા હતા.
અફેના રેયાનએયરના પ્રવક્તાએ જણાવ્યુ કે રેયાનએયરની ઉડાન સંખ્યા એફઆર 7312માં એચાનક ઓક્સિજનનું સ્તર ઓછુ થયુ હતુ જેના કારણે વિમાનની ઈમર્જન્સી લેન્ડિંગ કરાવવું પડ્યું.
આ વિમાન ડબલિનથી ક્રોએશિયા જઈ રહ્યુ હતુ. જર્મનીની સંધીય પોલીસના પ્રવક્તાએ જણાવ્યુ 'યાત્રિયોને માથાનો દુખાવો અને કાનમાં દુખાવા જેવી ફરિયાદ કરી અને તેમને ચક્કર પણ આવી રહ્યા હતા. કેટલાક યાત્રિઓના કાનમાંથી લોહી પણ નિકળવાનું શરૂ થઈ ગયુ હતુ.'
જર્મનીની મીડિયાના પ્રમાણે કેટલાક યાત્રિઓને હોસ્પીટલથી રજા મળી ગઈ છે જ્યારે કેટલાકને હજુ પણ હોસ્પીટલમાં રાખવામાં આવ્યા છે. યાત્રિઓએ કહ્યુ કે તે સમયે વિમાનમાં તેમને એવો અહેસાસ થતો હતો કે આ સમય તેમના જીવનનો છેલ્લો સમય હતો.