Coronavirus / આ દેશના ભારતીય મૂળના પ્રધાનમંત્રી ખુદ કોરોના દર્દીઓની સારવાર કરવા મેદાને

• આયરલેન્ડના પીએમ લિયો વરડકરે ફરી ડૉક્ટરી દુનિયામા પ્રવેશ કરવાનો નિર્ણય લીધો 
• રાજકારણમાં આવતા પહેલા ભારતીય મૂળના લિયો ડૉક્ટર હતા, ફરીથી કરાવશે રજિસ્ટ્રેશન
• તેમણે પ્રસ્તાવ મુક્યો હતો કે જે ક્ષેત્રના તેઓ વિશેષજ્ઞ છે ત્યા તેઓ સેવા આપવા તૈયાર છે

PM એ રજિસ્ટ્રેશન કરાવ્યુ

કોરોના વાયરસની મહામારીને પહોંચી વળવા માટે આયરલેન્ડના પ્રધાનમમંત્રી લિયો વરડકર ફરી ડૉક્ટરની દુનિયામાં પ્રવેશવાનો નિર્ણય લીધો છે. રાજકારણમાં આવતા પહેલા તેઓ ડૉક્ટર હતા. વરડકરે એકવાર ફરી પોતાનું ડૉક્ટર તરીકેનુ રજિસ્ટર કરાવ્યું છે. તેમણે પ્રસ્તાવ મુક્યો હતો કે જે ફિલ્ડમાં તેઓ વિશેષજ્ઞતા ધરાવે છે. તેમના તેઓ દર અઠવાડિયે સત્ર સુધી સેવા આપવા તૈયાર છે.

વરડકરના પિતા ભારતીય ડૉક્ટર અને માતા આયરલેન્ડના નર્સ 

પ્રધાનમંત્રીના પ્રવક્તાએ કહ્યું કે, ‘વરડકરના પરિવારમાંથી કેટલાય સભ્યો અને મિત્રો પણ હેલ્થ સર્વિસમાં કામ કરી રહ્યા છે.  તેમ છતાં પીએમ આ મહામારી સામે પોતાના તરફથી નાનકડુ યોગદાન આપવા માંગે છે.’એક આઈરિશ ન્યૂઝ પેપરના રિપોર્ટમાં કહેવામા આવ્યું છે કે પીએમને એવા લોકોને ફોન પર સલાહ આપવાનું કામ આપી શકાશે જે કોરોના વાયરસથી સંક્રમિત છે. આયરલેન્ડમાં કોરોના સંક્રમિત લોકોને પહેલા ફોન પર સલાહ આપવામાં આવે છે જેથી આ મહામારીને ફેલાતો અટકાવી શકાય. 41 વર્ષીય પીએમ વરડતક ડૉક્ટર પરિવારમાંથી આવે છે. વરડકરના પિતા ભારતીય ડૉક્ટર હતા. જ્યારે માતા આયરલેન્ડના નર્સ હતા. 

કૈથોલિક દેશમાં લિયો પહેલા ગે પ્રધાનમંત્રી 

આયરલેન્ડ જેવા કૈથોલિક દેશમાં લિયો પહેલા ગે પ્રધાનમંત્રી છે. વરડકરે સમલૈંગિકતાના સમર્થનમાં તથા એબોર્શનના નિયમોમાં ઉદારતા બનાવવા માટે અભિયાન ચલાવ્યું હતુ. આ દરમિયાન સ્વાસ્થ્ય મંત્રાલયે પણ ગત સપ્તાહે મોટા પાયે ભર્તી અભિયાન શરુ કર્યુ હતું. જેથી સ્ટાફની અછતને પહોંચી વળાય. સ્વાસ્થ્ય મંત્રાલયે લોકોને અપીલ કરી છે કે જે હેલ્થકેર વિશેષજ્ઞ અત્યારે સેવા આપી રહ્યા નથી. તે પોતાને રજિસ્ટર કરાવે. આયરલેન્ડમાં રવિવારે 390 નવા કેસ સામે આવ્યા છે. અહીં કુલ કેસની સંખ્યા 4,994 થઈ છે જ્યારે 158 લોકોના જીવ ગયા છે.