પોલિસી / વીમાધારકોને હેલ્થ ઈન્શ્યોરન્સમાં મળશે આ મોટી સુવિધા, ઈરડાએ કરી જાહેરાત

• ઈરડાએ હેલ્થ ઈન્શ્યોરન્સના ગ્રાહકોને આપી મોટી સુવિધા
• પોલિસીધારક તેમની પસંદગીનું ટીપીએ સિલેક્ટ કરી શકે છે
• પોલિસી ખરીદતી વખતે અથવા રિન્યૂ કરતી વખતે ગ્રાહકને TPAની લિસ્ટ આપવામાં આવશે

પરિપત્ર મુજબ, 'હેલ્થ ઈન્શ્યોરન્સ પ્રોડક્ટ અને પોલિસીધારકના ભૌગોલિક સ્થિતિના આધારે વીમા કંપની TPAની સંખ્યા મર્યાદિત કરી શકે છે અને પોલિસીધારકે તેની પસંદગીની TPA પસંદ કરવાની રહેશે. વીમા પોલિસી ખરીદતી વખતે અથવા રિન્યૂ કરતી વખતે, વીમા કંપની ગ્રાહકને TPAની લિસ્ટ આપવામાં આવશે, જેમાંથી તે પોતાની પસંદગીની TPAએ પસંદ કરી શકે છે.

પોલીસીધારકને થશે આ ફાયદો

આ રેગ્યુલેશન્સને ઈરડા (થર્ડ પાર્ટી એડમિનિસ્ટ્રેટર્સ-હેલ્થ સર્વિસિઝ) (એમેન્ડમેન્ટ) રેગ્યુલેશન્સ, 2019 કહી શકાય છે. 

શું હોય છે થર્ડ પાર્ટી એડમિનિસ્ટ્રેટર્સ

ટીપીએ એક મધ્યસ્થ છે. જેને હેલ્થ ઈન્શ્યોરન્સ કંપની નિયુક્ત કરે છે. આ હેલ્થ ઈન્શ્યોરન્સના ક્લેમને સેટલ કરવામાં મદદ કરે છે. ટીપીએ હોસ્પિટલોના વિવિધ બિલો અને ડોક્યુમેન્ટ્સ પ્રોસેસ કરવામાં વીમાધારકની મદદ કરે છે. જોકે, તે ક્લેમના રિજક્શન કે એક્સેપ્ટેન્ટ માટે જવાબદાર હોતો નથી. 

ઈરડાએ સર્ક્યુલરમાં શું કહ્યું

ઈરડાના સર્ક્યુલર મુજબ, પોલિસીધારક વીમા કંપની દ્વારા ઉપલબ્ધ કરાયેલ ટીપીએમાંથી પોતાની પસંદગીનું ટીપીએ પસંદ કરે છે. 

પરિપત્રમાં દર્શાવેલી અગત્યની બાબતો

• જો વીમા કંપની વચ્ચે કોઈ ટીપીએની સેવા સમાપ્ત કરી દે તો તે તેની પાસે રહેલાં તમામ ટીપીએની લિસ્ટ વીમાધારકને મોકલશે, જેથી તેમાંથી વીમાધારક ટીપીએની પસંદગી કરશે. 
• પોલિસી વેચતી વખતે વીમા કંપની ગ્રાહકોને તેની પાસે રહેલી તમામ ટીપીએની લિસ્ટ આપવાની રહેશે. વીમાધારકને તેની પસંદગીનું ટીપીએ પસંદ કરવાનો અધિકાર હશે. પોલિસીધારક પાસે કોઈપણ ટીપીએ સેવા ખતમ કરવા અને કંપની પાસે સીધું સ્વાસ્થ્ય સેવા ઉપલબ્ધ કરાવવા માટે આગ્રહ કરવાનો અધિકાર નહીં હોય.
• જો પોલિસીધારકે ટીપીએ પસંદ ન કર્યું હોય, તો વીમા કંપની વીમાધારકને તેની પસંદગીનું ટીપીએ પસંદ કરવાની મંજૂરી આપી શકે છે.
• જો કોઈ વીમા કંપની સાથે માત્ર એક જ ટીપીએ જોડાયેલું છે તો પોલિસીધારકને કોઈ વિકલ્પ આપવાની જરૂર નથી.