કોરોના વાયરસના દર્દીઓની સંખ્યામાં સતત વધારો થઈ રહ્યો છે. મુંબઈ અને દિલ્હીમાં રોજ હજારોની સંખ્યામાં સંક્રમણ વધી રહ્યું છે. કોરોનાની સારવાર માટે સરકારી અને પ્રાઈવેટ હોસ્પિટલ બંને જગ્યાએ લોકો એડમિટ થઈ રહ્યા છે. પ્રાઈવેટ હોસ્પિટલમાં દર્દીઓને વધારે રૂપિયા ખર્ચ કરવા પડે છે એવામાં હવે ઈન્શ્યોરન્સ રેગ્યુલેટરી એન્ડ ડેવલપમેન્ટ ઓથોરિટી ખર્ચનું લિસ્ટ જાહેર કરવાની તૈયારીમાં છે. હોસ્પિટલે આ પ્રમાણે જ દર્દીઓ પાસેથી ચાર્જ લેવાનો રહેશે.
કોરોનાની ટ્રીટમેન્ટ માટે જાહેર થશે રેટ લિસ્ટ
ઈન્શ્યોરન્સવાળાને પેશન્ટને મળશે આ ફાયદો
એક દિવસ માટે કરી શકશે આટલો ખર્ચ
આ છે રેટ લિસ્ટ
મળતી માહિતી અનુસાર IRDAએ ડ્રાફ્ટ તૈયાર કર્યો છે. તેના આધારે જો કોઈનો 5 લાખનો વીમો હોય, તો તે એક રૂમ માટે દરરોજ 5 હજાર સુધીનો ખર્ચ કરી શકે છે. આઇસીયુ માટેનો ચાર્જ દરરોજ 10,000 રૂપિયા રાખવામાં આવ્યો છે. ક્વૉરન્ટાઈન માટે દરરોજ મહત્તમ 5000 રૂપિયા લઈ શકાય છે. નવા દરો 15 જૂન અથવા તે પહેલાં લાગુ કરવા કહેવામાં આવ્યું છે.
હવે અહીં સારવાર કરાવનારાને પણ મળશે ઈન્શ્યોરન્સ કવર
IRDAએ એક મહત્વનો નિર્ણય લીધો છે. હવે ટેમ્પરરી હોસ્પિટલમાં સારવાર કરાવનારા કોરોના દર્દીને પણ ઈન્શ્યોરન્સ કવર આપવામાં આવશે. પહેલાં ઈન્શ્યોરન્સનો કવર હોસ્પિટલમાં સારવાર કરાવનારાને જ આપવામાં આવતો હતો. કોરોના દર્દીની સારવાર માટે અલગ વોર્ડ તૈયાર કરવામાં આવ્યા છે તેના આધારે ટ્રેનના કોચ અને અન્ય અનેક બિલ્ડિંગોનો પણ સમાવેશ કરાયો છે. હવે એવા સેન્ટરમાં સારવાર કરાવનારાને પણ ઈન્શ્યોરન્સ કંપની ખર્ચ આપશે.
કેટલો થયા છે ખર્ચ?
તમારે જાણવું જરૂરી છે કે જેમને દિલ્હી, મુંબઇ અને કોલકાતાની ખાનગી હોસ્પિટલોમાં 6 દિવસ સુધી રહેવું પડે છે તેમને આશરે 2.6 લાખનો ખર્ચ થાય છે. જ્યારે 1 મહિનો હોસ્પિટલમાં રોકાતા દર્દીઓએ આશરે 16.14 લાખ રૂપિયા ખર્ચ કરવા પડે છે. મેડિકલ ઇન્શ્યોરન્સ કર્યા પછી પણ દર્દીઓએ તેમના ખિસ્સામાંથી આશરે 60,000 થી 1.38 લાખ રૂપિયા ખર્ચ કરવા પડે છે.