ટ્રાવેલ / IRCTCની ઑફર, માત્ર આટલા જ ખર્ચામાં ફરી આવો US

આ પેકેજની શરૂઆત ટ્રિપલ શેરિંગ કરશો તો પ્રતિ વ્યકિત 291090 રૂપિયા થશે. આ પેકેજમાં ન્યૂયોર્ક, વોશિંગ્ટન, નાય્રેગા, સાન ફ્રાન્સિસ્કો, લાસ વેગસ અને લોસ એન્જલ્સ જેવા સ્થળોએ ફરવા મળશે. 

આ ટૂર 14 સપ્ટેમ્બર 2019થી શરૂ થશે. પેકેજમાં બ્રેકફાસ્ટ, લંચ, ડિનર શામેલ છે. યૂએસ જવા માટે ફ્લાઇટ મુંબઇથી રવાના થશે. મુંબઇની ફ્લાઇટ સવારે 4.10 કલાકે ઉપડશે જે બપોરે 3 વાગે જૉન એફ કેનેડી ઇન્ટરનેશનલ એરપોર્ટ પહોંચશે.

 ન્યૂ યોર્કમાં પ્રવાસીઓ સ્ટેચ્યૂ ઓફ લિબર્ટી, વર્લ્ડ ટ્રેડ સેન્ટર, 9/11 મેમોરિયલ, વૉલ સ્ટ્રીટ, બ્રુકલિન બ્રિજ, મેનહેટન બ્રિજ, સેન્ટ્રલ પાર્ક, યૂનાઇટેડ નેશન્સ ગ્લોબલ હેડક્વાર્ટ્સ અને ટ્રમ્પ ટાવર પણ જોવા મળી જશે. 

Plan your trip with USA Panorama Air Package, you get to visit sites such as Trump Tower, Manhattan Bridge, The Statue of Liberty, and many more as in the Itinerary. Get to indulge a scenic experience at the famous Niagara Falls, Hershey's Chocolate World and Corning Museum. pic.twitter.com/nhZHqUFn3L

— IRCTC (@IRCTCofficial) June 11, 2019

બીજા દિવસે વોશિંગટન DC, વ્હાઈટ હાઉસના ફોટો શોપમાં, કોરિયન અને લિંકન મેમોરિયલ્સ અને WWII મેમોરિયલ તેમજ સ્મિથસોનિયન નેશનલ મ્યૂઝિયમ ઓફ નેચરલ હિસ્ટ્રીની મુલાકાત લઈ શકશો. 

નાયેગ્રામાં ટૂરિસ્ટ હર્શે ચોકલેટ વર્લ્ડ અને કોર્નિંગ મ્યૂઝિયમ ઑફ ગ્લાસ જોઇ શકશે. ટૂરના છઠ્ઠા દિવસે મેડ ઑફ ધ મિસ્ટ બોટ ટૂર એન્જોય કરી શકશે. આ સિવાય હોર્સૂશ ફોલ્સ પણ જોઇ શકશો. 

સાન ફ્રાન્સિસ્કોમાં મુસાફરોને ગોલ્ડન ગેટ ક્રૂઝ, સી ધ સિવિક સેન્ટર, યૂનિયન સ્ક્વેર, ગોલ્ડન ગેટ પાર્ક અને ટ્વિન પીક્સ જેવી જગ્યા પર જવા મળશે. ટૂરના આઠમા દિવસે લાસ વેગસની ફેમ્સ થીમ્ડ હોટલમાં જવાનું રહેશે. લોસ એન્જલસમાં સેન્ટા મોનિકા બીચ અને યુનિવર્સલ સ્ટુડિયોઝ જોવા મળશે.

આ પેકેજમાં કતાર એરલાઈન્સથી ઈકોનોમી ક્લાસમાં પાછા આવવાનું રહેશે. બફેલોથી સાન ફ્રાન્સિસ્કો અને સાન ફ્રાન્સિસ્કોથી લાસ વેગસની ઇન્ટરનલ ફ્લાઇટ્સ, રિટર્ન એરપોર્ટ ટ્રાન્સફર્સ, 12 રાત રહેવાનું અને ટ્રાવેલ પ્રોગ્રામ મુજબ સાઇટ સિંઇગ પણ શામેલ છે. 

જણાવી દઈએ કે, પેકેજમાં લોન્ડ્રીનો ખર્ચ, વાઈન, મિનરલ વૉટર, ફૂડ અને ડ્રિંક જેવી વસ્તુઓ શામેલ નથી. આ વસ્તુઓનો ખર્ચ મુસાફરે જાતે ઉઠાવવાનો રહેશે. મહત્વની બાબત છે કે પાસપોર્ટની કોપી અને પાન કાર્ડની બુકિંગના 3 દિવસમાં IRCTCને સબમિટ કરાવવાની રહેશે. ફ્લાઇટમાં ખાવાપીવાની વસ્તુ માટે ખર્ચ કરવાનો રહેશે.