ટ્રાવેલ / IRCTC લઈને આવ્યું ખાસ ટૂર પેકેજ, ઓછા બજેટમાં ફરો અંદામાન-નિકોબાર, જાણો ડિટેલ્સ

• IRCTC લઈને આવ્યું ખાસ પેકેજ 
• તમારા બજેટમાં ફરો અંદમાન-નિકોબાર 
• જાણો ટૂર પેકેજ વિશે બધુ જ

ભારતીય રેલ્વેનું ઇન્ડિયન રેલ્વે કેટરિંગ એન્ડ ટુરિઝમ કોર્પોરેશન (IRCTC) તેના ગ્રાહકો માટે સમયાંતરે વિવિધ પ્રકારના ટૂર પેકેજ લાવે છે. આઝાદીનો અમૃત મહોત્સવ સેલિબ્રેટ કરવા માટે IRCTC 'દેખો અપના દેશ' હેઠળ IRCTC અંદામાન એમેરાલ્ડ્સ ટૂર પેકેજ લાવ્યું છે. અંદામાન અને નિકોબાર ટાપુઓ ખૂબ જ સુંદર ટાપુ છે. આ યાત્રા કુલ 6 દિવસ અને 5 રાતની છે.

જો તમે પણ ઓગસ્ટ મહિનામાં અંદામાન જવાની યોજના બનાવી રહ્યા છો, તો તમે IRCTCના આ ટૂર પેકેજનો લાભ લઈ શકો છો. આ પેકેજમાં તમને પોર્ટ બ્લેર, પોર્ટ બ્લેર-નોર્થ બે આઇલેન્ડ, રોસ આઇલેન્ડ અને હેવલોક આઇલેન્ડ જેવા ઘણા સુંદર સ્થળોની મુલાકાત લેવાની તક મળશે. તો ચાલો તમને જણાવીએ આ પેકેજની ખાસ વાત-

Visit the paragon of beauty & catch the scenic beauty with a mesmerizing picturesque view with IRCTC air tour package starts at ₹33,500/- pp* for 6D/5N. For booking & more details, visit https://t.co/tsJiCii5Kz@AmritMahotsav

— IRCTC (@IRCTCofficial) May 3, 2022

IRCTC અંદામાન એમેરાલ્ડ ટૂર પેકેજની ખાસ વાત

• આ ટૂર પેકેજ 12મી ઓગસ્ટથી શરૂ થશે અને 17મી ઓગસ્ટે સમાપ્ત થશે.
• આ સમગ્ર યાત્રા 6 દિવસ અને 5 રાતની રહેશે.
• પેકેજમાં તમે કોલકાતાથી ફ્લાઇટ દ્વારા પોર્ટ બ્લેર જઈ શકશો.
• આ પછી પોર્ટ બ્લેરના ઘણા સુંદર સ્થળોની મુલાકાત લેવાની તક મળશે.
• અહીંથી તમે હેવલોક આઇલેન્ડ પર જશો
• તે પછી તમે નીલ આઇલેન્ડ જશો
• પછી પોર્ટ બ્લેર પાછા આવવું પડશે
• આ પછી પોર્ટ બ્લેરથી ફ્લાઈટ દ્વારા કોલકાતા પરત ફરશે

આ સુવિધાઓ IRCTC અંદામાન એમેરાલ્ડ ટૂર પેકેજમાં ઉપલબ્ધ હશે

• આ પેકેજમાં તમને ફ્લાઈટના ઈકોનોમી ક્લાસમાં મુસાફરી કરવાનો મોકો મળશે.
• તમને દરેક જગ્યાએ ફરવા માટે બસ કે કેબની સુવિધા મળશે.
• પોર્ટ બ્લેરથી હેવલોક આઇલેન્ડ સુધી લક્ઝરી ક્રૂઝ પર જવાનો મોકો મળશે.
• ઉપરાંત દરરોજ બ્રેકફાસ્ટ અને ડિનરની સુવિધા ઉપલબ્ધ રહેશે.
• આખા પ્રવાસ દરમિયાન ટૂર ગાઈડ ઉપલબ્ધ રહેશે.
• મુસાફરી માટે ટ્રાવેલ ઈન્સ્યોરન્સ પણ મળશે.
• દરેક જગ્યાએ તમને રાત્રિ રોકાણ માટે હોટલની સુવિધા મળશે.

પેકેજનો લાભ લેવા માટે ચુકવવી પડશે આટલી ફી 

• જો તમે આ ટ્રિપ પર એકલા મુસાફરી કરો છો તો તમારે 46,600 રૂપિયા ચૂકવવા પડશે.
• તે જ સમયે બે લોકોએ પ્રતિ વ્યક્તિ 33,500 રૂપિયા ફી ચૂકવવી પડશે.
• ત્રણ વ્યક્તિએ 32,500 રૂપિયા પ્રતિ વ્યક્તિ ફી ચૂકવવી પડશે.
• બાળકો માટે તમારે અલગ ફી ચૂકવવી પડશે.