નવી દિલ્હી: IRCTC એ કેબ એગ્રીગેટર ઓલાની સાથે ટાઇ અપ કર્યું છે. હવે તમે IRCTCની એપ અથવા વેબસાઇટ દ્વારા પણ ઓલા કેબ બુક કરાવી શકશો. ગ્રાહકોને આ સુવિધા આપવા માટે IRCTCએ હાલમાં છ મહિના માટે પાયલોટ પ્રોજેક્ટ રીતે આ ટાઇ અપ કર્યું છે.
IRCTC દ્વારા ઓલાની બધી સેવાઓ જેમ કે ઓલા માઇક્રો ઓલા મિની ઓલા ઓટો અને ઓલા શેરિંગ વગેરે માટે બુકિંગની સેવા મળશે.
IRCTC થી કેબ બુકિંગ પર ગ્રાહકોને કોઇ ડિસ્કાઉન્ટ કે ફાયદો મળશે નહીં. જણાવી દઇએ કે તાજેતરમાં જ હાઇક મેસેન્જરે પોતાની એપ્લિકેશનમાં ઓલા કેબ બુક કરાવવાની સુવિધા શરૂ કરી દીધી છે. કંપની તરફથી જારી નિવેદનમાં કહેવામાં આવ્યું છે કે આ સુવિધા બાદ ભારતના 110 શહેરોમાં રહેનારા યૂઝર્સ હાઇક મેસેન્જરથી ઓલા કેબ અને ઓટોરિક્ષાને બુક કરી શકશે.