સારાં સમાચાર / IRCTCએ શરૂ કરી નવી ગજબ સર્વિસ, હવે ટ્રેનમાં મનપસંદ સીટ બુક કરાવી શકશો

• હવે યાત્રીઓ મનગમતા કોચ અને સીટ પર યાત્રા કરી શકે છે
• ટ્રેન રવાના થાય તે પહેલાંના 4 કલાક અને પછી અડધા કલાક પહેલાં જુઓ ચાર્ટ
• તમારો કોચ એન્જિનથી કેટલો દૂર છે તે પણ જાણી શકાય છે

હવે મુસાફરો આઇઆરસીટીસી વેબસાઇટ અને એપ્લિકેશન પર બુકિંગ અને ખાલી સીટ ઓનલાઇન જોઈ શકશે. તેમાં ટ્રેનમાં દરેક કોચની વિગતો મળશે. જે કોચમાં સીટ ખાલી છે તે બુક કરી શકાશે. પ્રથમ રિઝર્વેશન ચાર્ટ ટ્રેન રવાના થવાના 4 કલાક પહેલાં ઓનલાઇન જોઇ શકાય છે. જ્યારે ટ્રેનના બીજા ચાર્ટને ટ્રેન રવાના થવાના અડધા કલાક પહેલાં જોઈ શકાય છે. બીજા ચાર્ટમાં સીટની ફાળવણીમાં ફેરફાર જોવા મળશે.

તમે તમારા પરિચિતના કોચમાં પણ ટિકિટ બુક કરી શકો છો

જો કોઈ તમારા ઘરેથી અથવા કોઈ પરિચિત પેસેન્જર ટ્રેનમાં મુસાફરી કરી રહ્યું છે, તો ઓનલાઇન રિઝર્વેશન ચાર્ટથી એ જાણકારી મળી જશે કે તે કોચમાં બર્થ ખાલી છે કે નહીં. અત્યાર સુધી કેટેગરી મુજબની સીટ ઉપલબ્ધતા વિશે જાણકારી મળતી હતી. ટિકિટ બુકિંગ અંગે અન્ય કોચમાં પણ રિઝર્વેશન થઈ જતું હતું.

આ રીતે ચેક કરો ચાર્ટ

આઈઆરસીટીસીની વેબસાઇટ પર ક્લિક કરતાંની સાથે જ ચાર્ટ્સ, વેકેન્સી ઓપ્શન દેખાશે. આ વિકલ્પ ખોલ્યા પછી, તમારે મુસાફરીની તારીખ અને બોર્ડિંગ સ્ટેશન દાખલ કરવું પડશે, જેના પછી રિઝર્વેશન ચાર્ટ દેખાશે. એટલું જ નહીં, એપ દ્વારા તમે એ પણ જાણી શકશો કે ટીટીઈએ ટ્રેનમાં ખાલી બર્થ ક્યાં ફાળવ્યો છે.