IRCTCની વેબસાઇટ પર રોજના લાખો લોકો ટિકિટ બુક કરે છે, એવામાં ઘણી વખત આ ઈ-ટિકિટ વેબસાઇટ હેન્ગ થઈ જાય છે અથવા સ્લો થઈ જાય છે. જેના કારણે અનેક વાર ટિકિટ બુક થતાં-થતાં રહી જાય છે. પરંતુ ભારતીય રેલ્વે IRCTC ઈ-ટિકિટ વેબસાઇટ અને એપ બંનેને અપગ્રેડ કરવા જઈ રહી છે. રેલ્વે મંત્રી પીયૂષ ગોયલ આ નવી વેબસાઇટને આજે લૉન્ચ કરવાના છે. નવી વેબસાઇટમાં ટિકિટ બુકિંગના વધુ ફ્રેન્ડલી ફીચર્સ જોવા મળશે, જેનાથી મુસાફરીને સુવિધા રહેશે. અનેક પ્રકારના ફેરફારોની સાથે બુકિંગ પણ ઘણું ઝડપથી થશે.
ટ્રેનમાં મુસાફરી કરતાં લોકો માટે સારાં સમાચાર
આજે IRCTCની નવી વેબસાઈટ થશે લોન્ચ
વેબસાઈટ અપગ્રેડ થવાથી સરળતાથી થશે ટિકિટ બુક
રેલ મંત્રાલયનું કહેવું છે કે IRCTCની વેબસાઇટ અને એપ અપગ્રેડ થઈ ગયા બાદ યાત્રી પહેલાંની તુલનામાં વધુ ઝડપી અને કોઈ પરેશાની વિના ટિકિટ બુક કરી શકશે.
ભારતીય રેલ્વેએ કહ્યું કે અમે અમારી ઈ-ટિકિટ વેબસાઇટમાં યુઝર પર્સનલાઇઝેશન અને ફેસિલિટીને વધારવાનું કામ કરી રહ્યા છીએ.
IRCTCની નવી વેબસાઇટમાં યાત્રીઓ માટે વધુ સારાં ફીચર્સ હશે, જેનાથી ટિકિટ બુકિંગ સરળ થઈ જશે.
ટિકિટ બુકિંગની સાથે ખાવાનું બુક કરવા માટે અલગથી ફીચર આપવામાં આવશે, જેની મદદથી તમે પોતાની પસંદનું ખાવાનું બુક કરી શકો છો.
વધુ લોડ પડતાં પણ વેબસાઇટ હેન્ગ થવાની સમસ્યા નહીં થાય.
વેબસાઇટમાં પહેલાંની તુલનામાં વધુ જાહેરાતો હશે, જેનાથી IRCTCને વધુ રેવન્યૂ મળવાની શક્યતા છે.
નવી વેબસાઇટથી દર મિનિટે 10 હજારથી વધુ ટિકિટ બુક થઈ શકશે. આ પહેલાં દર મિનિટે 7500 ટિકિટ બુક થઈ શકતી હતી.
IRCTCમાં શરૂ થઈ નવી સુવિધા 'Book now pay later'
IRCTCએ એક નવું પોસ્ટ પેડ પેમેન્ટ ઓપ્શન પણ શરૂ કર્યું છે. આ સુવિધાથી IRCTCની વેબસાઇટથી ટિકિટ બુક કરીને તેની ચૂકવણી બાદમાં કરી શકાય છે. તેમાં યાત્રી ટિકિટ બુક કરીને e-payments દ્વારા 15 દિવસની અંદર ચૂકવણી કરી શકે છે કે પછી ટિકિટની ડિલિવરીના 24 કલાકની અંદર પણ પેમેન્ટ કરી શકાય છે. રેલ્વેની ટિકિટ વેબસાઇટ IRCTC ઓનલાઇન રિઝર્વેશનની સુવિધા આપે છે. રેલવે મુજબ, 2014 બાદથી ટિકિટ બુકિંગની સાથે યાત્રીઓની સુવિધાઓને વધુ સારી બનાવવા પર ભાર મૂકવામાં આવી રહ્યો છે. IRCTC વેબસાઈટ રેલ્વે સાથે યાત્રા રેલ્વેમાં યાત્રા કરતાં યાત્રીઓ માટેની પ્રથમ લિંક છે. રેલ્વેની ઈ-ટિકિટ વેબસાઈટ યાત્રીઓને તેમની ટ્રેન યાત્રાની સંપૂર્ણ સુવિધા ઉપલબ્ધ કરાવશે.