ઉદયપુર ફરવા માટે IRCTC એક પેકેજ પ્લાન ઓફર કરે છે, જેની શરૂઆત માત્ર 5380 રૂપિયાથી જ થાય છે. જાણો વિગતવાર
ઉદયપુર ફરવા માટે IRCTC આપે છે પેકેજ પ્લાન
પેકેજની શરૂઆત માત્ર 5380 રૂપિયાથી
ત્રણ દિવસનો છે આ પ્લાન
ઉદયપુર ફરવા માટે IRCTC આપે છે પેકેજ પ્લાન
બદલતા વાતાવરણ સાથે તમે પણ જો મૂડ ફ્રેશ કરવા માંગો છો, તો રાજસ્થાન પ્રવાસનો પ્લાન સૌથી બેસ્ટ છે. આના બે કારણ છે. પહેલું કે રાજસ્થાન ખુદ જ એક રંગીલો પ્રદેશ છે અને બીજું કે IRCTC પોતાના ગ્રાહકો માટે એક બંપર ઓફર આપી રહ્યું છે. હાલમાં જ IRCTCએ એક ટૂર પેકેજ લોન્ચ કર્યું છે, જેની હેઠળ તમે 3 દિવસ ઉદયપુર શહેર ફરિ શકશો. પેકેજ 3 દિવસ અને 2 રાતનું હશે. આમાં હોટલમાં રહેવું અને ખાવું પણ સામેલ છે. જણાવી દઈએ કે ઉદયપુર એક સુંદર શહેર છે, જેને તળાવોની નગરી પણ કહેવામાં આવે છે. ચોમાસામાં અહીં શાહી મહેલ અને પ્રાકૃતિક સૌદર્ય તો જોવું જ જોઈએ. જો તમે ઓછા બજેટમાં ઉદયપુર ફરવા માંગો છો, તો આ તક ઝડપી લો.
5380 રૂપિયાના ખર્ચમાં ફરો ઉદયપુર
IRCTCનું આ ટૂર પેકેજ 3 સપ્ટેમ્બરથી શરુ થઇ ગયું છે. આ પેકેજને ત્રણ કેટેગરીમાં વહેંચવામાં આવ્યું છે. સ્ટાન્ડર્ડ, ડિલક્સ અને લકઝરી. પેકેજની શરૂઆત 5380 રૂપિયાથી થઇ રહી છે. પેકેજમાં રહેવા, ખાવા અને ફરવાની સુવિધા આઈઆરસીટીસી તરફથી આપવામાં આવશે.
પહેલા દિવસનો પ્લાન
એક જરૂરી વાત જે જાણી લેવી જોઈએ કે તમારે ઉદયપુર ખુદના વાહનથી જવું પડશે. ત્યાર બાદ ટીમ તમને રીસીવ કરીને સહેલીયો કી બાડી, સિટી પેલેસ અને ફતેહસાગર લેક લઈને જશે. લેકમાં તમે બોટ રાઈડીંગની મજા માણી શકો છો. ત્યાર બાદ હોટલમાં તમારા ઉતારાની વ્યવસ્થા કરવામાં આવશે.
બીજા દિવસનો પ્લાન
બીજા દિવસે ટીમ તમને બ્રેકફાસ્ટ કરાવ્યા બાદ એકલિંગજી મંદિર, હલ્દી ઘાટી અને નાથદ્વારા લઇ જશે. આ જગ્યાઓને કવર કર્યા બાદ તમને ફરી હોટલમાં લઇ જવામાં આવશે.
ત્રીજા દિવસનો પ્લાન
યાત્રીઓને છેલ્લા દિવસે સવારે બ્રેકફાસ્ટ બાદ તરત જ કુંભલગઢનો કિલ્લો બતાવવામાં આવશે. ત્યાર બાદ ટીમ તમને ફરિ રેલ્વે સ્ટેશન, બસ સ્ટેન્ડ અથવા એરપોર્ટ ડ્રોપ કરી દેશે.