ના હોય! / સાવધાન! ટ્રેનમાં મુસાફરી કરતા રાખજો ધ્યાન, એક ભૂલના કારણે પ્રવાસીઓએ ચૂકવવા પડ્યા 100 કરોડ

• રેલવેએ યાત્રીઓ પાસેછી વસુલ્યો આટલો દંડ 
• રેલવેને થઈ આટલા કરોડની આવક 
• જાણો તેના વિશે 

ભારતીય રેલવે યાત્રીઓની બસ એક ભૂલ પર દંડ ફટકારે છે. આ એક ભૂલની પેનલ્ટીના રૂપમાં રેલવેએ 100 કરોડથી વધારે પૈસા વસુલ્યા છે. અત્યાર સુધી તમે સાંભળ્યું હશે કે રેલવેએ ટિકિટ વેચીને અને માલભાડાથી પૈસાની કમાણી કરી. પરંતુ રેલવેની કમાણીનો એક મોટો જથ્થે દંડની રકમમાંથી પણ આવે છે. 

100 કરોડ રૂપિયા દંડની વસુલી 
આ દંડ વગર ટિકિટ (Ticketless Travellers) યાત્રા કરનાર યાત્રીઓ પાસેથી વસુલવામાં આવે છે. હવે તમે અંદાજો લગાવી શકો છો કે ટ્રેનમાં વગર ટિકિટે યાત્રા કરતા લોકોની સંખ્યા કેટલી વધારે હશે. ઉત્તર રેલવેએ એપ્રિલ 2021થી 5 ડિસેમ્બર 2021 સુધી એટલે કે ફક્ત 8 મહિનામાં જ 100 કરોડથી વધારે દંડ વસુલ્યો છે. રેલવેએ આવા યાત્રીઓ માટે એક અભિયાન ચલાવ્યું હતું જેમાં તે વસુલી કરવામાં આવી છે. 

રેલવે મહાપ્રબંધકે આપી જાણકારી 
ઉત્તર રેલવે મહાપ્રબંધક, આશુતોષ ગંગલે જણાવ્યું કે 1 એપ્રિલ 2021થી 5 ડિસેમ્બર 2021ની વચ્ચે ઘણા રેલવે સ્ટેશનો અને ટ્રેનોમાં ટિકિટ તપાસનું અભિયાન ચલાવવામાં આવ્યું હતું જેમાં ભારે સંખ્યામાં લોકો વગર ટિકિટ યાત્રા કરતા ઝડપાયા હતા. આ સમયે વગર ટિકિટ અને અનધિકૃત રીતે યાત્રા કરતા લોકો પાસેથી દંડ વસુલવામાં આવ્યો. આશુતોષ ગંગલે જણાવ્યું કે ટિકિટ તપાસથી મળેલી દંડની રકમ 100 કરોડથી વધારે છે. 

અભિયાન આગળ પણ ચાલુ રહેશે 
આશુતોષ ગંગલે આ અભિયાનને સફળ બનાવનાર દરેક રેલવે કર્મચારીઓની સરાહના પણ કરી છે. દેશમાં દરેક ઝોનમાં રેલવે આ પ્રકારનું અભિયાન ચલાવે છે. કોરોના પ્રોટોકોલ હેઠળ માસ્ક ન પહેરવાના કારણે પણ સેન્ટ્રલ રેલવેએ 23 હજારથી વધારે યાત્રીઓ પર દંડ લગાવ્યો અને ફાઈનના રૂપમાં 26 લાખ રૂપિયાની વસુલી કરી. 

હકીકતે તહેવાર સીઝન વખતે પ્રયત્ન કર્યા છતાં ધણા લોકોને ટિકિટ નથી મળતી. એવામાં તે વગર ટિકિટે રેલવેમાં સફર પર નિકળી જાય છે. રેલવેએ દિલ્હી મંડળથી આવા 1.42 કરોડ યાત્રીઓને પકડ્યા અને તેમની પાસેથી 8.01 કરોડ રૂપિયાનો દંડ લીધો.  

કેટલો લાગે છે દંડ? 
મહત્વનું છે કે રેલવે દ્વારા વગર ટિકિટે યાત્રા કરવા પકડાવવા પર ઓછામાં ઓછા 250 રૂપિયાથી લઈને 1000 રૂપિયા સુધીનો દંડ ફટકારવામાં આવે છે. આ ઉપરાંત આ રીતે અનધિકૃત યાત્રા પર યાત્રીઓને જેલ પણ થઈ શકે છે અથવા બન્ને એક સાથે પણ થઈ શકે છે. પકડાઈ જવા પર વગર ટિકિટ યાત્રા કરનાર યાત્રી પાસેથી ટ્રેનથી શરૂ થનાર સ્ટેશનથી લઈને છેલ્લા સ્ટેશન સુધીનું ભાડુ વસુલવામાં આવે છે.