સુવિધા / ટ્રેનના જનરલ કોચમાં મુસાફરી કરતાં લોકો માટે સારા સમાચાર, હવેથી કન્ફર્મ ટિકિટ મળશે

• હવે જનરલ કોચમાં પણ સીટ બુક કરાવી શકાશે
• પ્લેટફોર્મ પર લાંબી લાઇનની ઝંઝટમાંથી પ્રવાસીને છૂટકારો મળશે
• સીટને લઇને થતી ગેરરીતિઓ ઘટશે

આ યોજનાને હવે સમગ્ર દેશમાં લાગુ પાડવા પર કામ ચાલી રહ્યું છે. વાસ્તવમાં પૂર્વ-મધ્ય રેલવેના દાનાપુર ઝોને એક પાઇલટ પ્રોજેકટ હેઠળ પૂરબ એટલે કે પાસ ફોર અનરિઝર્વ્ડ બોર્ડ નામની એક યોજના શરૂ કરી છે. આ યોજના હેઠળ જનરલ કોચમાં અનરિઝર્વ સીટ પર પણ પ્રવાસીને કન્ફર્મ ટિકિટ મળી શકશે. અનરિઝર્વ્ડ ટિકિટ આપતી વખતે પ્રવાસીઓને બોર્ડિંગ પાસ આપવામાં આવે છે.

વોટ્સએપ નંબર પર ડિજિટલ ટિકિટ મળશે

જનરલ કોચમાં કન્ફર્મ ટિકિટ લેવા માટે જો તમે રેલવે કાઉન્ટર પરથી ટિકિટ લેશો તો તેની સાથે જ ઉપર જણાવ્યા મુજબની પૂરબ યોજનાનું કાઉન્ટર બનાવવામાં આવ્યું છે. અહીં તમે ઓળખપત્ર આપીને તમારો ફોટો પડાવી શકશો. ત્યાર બાદ તમને વોટ્સએપ નંબર પર ડિજિટલ ટિકિટ મળશે.