આઇઆરસીટીસીએ તાજેતરમાં ચાર દિવસ અને ત્રણ રાતનું ગ્લોરિયસ ગોવા ટુર પેકેજ લોન્ચ કર્યુ છે. આ ખાસ ટ્રિપ નવા વર્ષ અને ક્રિસમસના અવસરે મુકાઇ છે. આ સ્કીમ હેઠળ પર્યટકોને નોર્થ ગોવાના સાઇટ સીન સાથે ગોવાના સુંદર બીચની સફર કરાવાશે. જો તમે પણ નવા વર્ષે ગોવા જવા ઇચ્છતા હો તો આ પેકેજ તમને સસ્તુ અને સુગમ પડશે.
આઇઆરસીટીસીએ આ ગ્લોરિયસ ગોવા ટુર પેકેજ હેઠળ પર્યટકો માટે અલગ અલગ ક્લાસમાં અલગ અલગ દર નક્કી કર્યા છે. તેમાં સ્ટાન્ડર્ડ ક્લાસમાં ત્રણ લોકોને પ્રતિ વ્યક્તિ 9,890, બે લોકો માટે પ્રતિ વ્યક્તિ 10,290 અને સિંગલ ઓક્યુપન્સીમાં 13,990 કોસ્ટ નક્કી કરાઇ છે. આ ઉપરાંત કમ્ફર્ટ ક્લાસમાં પ્રતિ વ્યક્તિ 11,790 રુપિયા, ડબલ ઓક્યુપન્સી પર 12,190 રુપિયા પ્રતિ વ્યક્તિ અને ટ્રિપલ ઓક્યુપન્સી પર 15,990 રુપિયા આપવા પડશે.
આ ટ્રીપમાં ફોર્ટ અગુઆડા, કેંડોલિમ બીચ, વાઘા બીચ, અંજુના બીચ અને ડોના પાઉલાની સેર કરાવાશે. આ ઉપરાંત ટ્રિપમાં સાઇટ સીનની સાથે કેલાગુંટ બીચ. દક્ષિણ ગોવા, મીરામાર બીચ. ઓલ્ડ ગોવા ચર્ચ. માંગડીહ મંદિરની સેર પણ સામેલ છે.
દર શુક્રવારે રવાના થાય છે આ ટ્રેન
આઇઆરસીટીસીના ગ્લોરિયસ ગોવા પેકેજ માટે ટ્રેન દર શુક્રવારે મુંબઇથી રાત્રે 11 વાગે રવાના થાય છે.
ભારતમાં ક્રિસમસ માટે બેસ્ટ છે ગોવા
ભારતમાં ક્રિસમસ સેલિબ્રેશન માટે ગોવા કરતા સારી જગ્યા ન હોઇ શકે. ગોવામાં ક્રિસમસ શાનદાર રીતે ઉજવાય છે. આખા ફેસ્ટિવલ દરમિયાન લોકો ઉજવણીમાં ડુબેલા રહે છે. દરેક બાજુ લોકો મસ્તી કરતા દેખાય છે. આ ઉપરાંત અહીંના પારંપારિક ભોજનની ખુશ્બુ તમારા મનને મોહી લેશે. ગોવામાં ક્રિસમસ અને નવા વર્ષના સેલિબ્રેશનની રાહ સહેલાણીઓને આખુ વર્ષ રહેતી હોય છે.
નાઇટ પાર્ટી
ગોવા પોતાની પાર્ટી માટે દુનિયાભરમાં ફેમસ છે. ક્રિસમસ દરમિયાન ગોવામાં આયોજિત થતી પાર્ટીઓની તમે મજા માણી શકો છો. ગોવામાં પાર્ટી માટે આ બેસ્ટ સમય હોય છે. અહીં રહેવા માટે તમારે વધારે ખર્ચ કરવો પડી શકે છે. એક સમય ખાવા માટે તમારે 200 થી 300 રુપિયા પ્રતિ વ્યક્તિ ખર્ચવા પડે છે.