નિર્ણય / કોરોનાની અસર, AC કોચમાં ઓઢવા માટે ધાબળા નહી મળે, પડદા પણ કાઢી નાખવામાં આવશે

વેસ્ટર્ન રેલવેએ ટ્વીટ કરીને કહ્યું છે કે, AC કોચમાં મળતા ધાબળા દરરોજ સાફ કરવામાં આવતા નથી. તેથી કોરોના વાઇરસને વધતો અટકાવવા ટ્રેનોના એસી કોચમાંથી પડદા અને બ્લેન્કેટ કાઢવાનો નિર્ણય લેવામાં આવ્યો છે. જો જરૂરી હોય તો મુસાફરો ઘરેથી પોતાના ધાબળા લાવી શકે છે. અસુવિધા બદલ માફ કરશો.

Kindly note that it has been decided to withdraw curtains & blankets from AC coaches of trains as they are not washed every trip, for prevention of #coronavirus. Passengers may please bring their own blankets if need be. Inconvenience is regretted. @RailMinIndia @PiyushGoyalOffc

— Western Railway (@WesternRly) March 14, 2020

આ જ રીતે, સાઉથ ઇસ્ટર્ન રેલવે અને ઇસ્ટ કોસ્ટ રેલવેએ પણ જણાવ્યું હતું કે તેમણે પણ તમામ ટ્રેનોના એર કંડિશન્ડ (AC) કોચમાંથી ધાબળા અને પડદા કાઢી નાખવાનો નિર્ણય લીધો છે.

રેલવેના અન્ય સાવચેતીભર્યાં પગલાં

કોરોના વાઇરસ વિશે લોકોને જાગૃત કરવા રેલવેએ અનેક પગલાં લીધાં છે. આ માહિતી અંતર્ગત રેલવે સ્ટેશનો અને ટ્રેનોમાં જનજાગૃતિ માટે કોરોના વાઇરસ વિશે શિક્ષણ અને સંદેશાવ્યવહાર સામગ્રી (પોસ્ટર્સ અને પત્રિકાઓ) પ્રદર્શિત કરવામાં આવી રહી છે.

કોરોનો વાઇરસના શંકાસ્પદ કેસોની સારવાર માટે રેલવેની હોસ્પિટલોમાં 1000થી વધુ આઇસોલેશન બેડ પૂરા પાડવામાં આવ્યા છે અને જુદા જુદા સ્થળોએ 12,000થી વધુ બેડ લગાવવામાં આવ્યા છે.

તમામ રેલવે હોસ્પિટલોમાં કંટ્રોલ રૂમ અને ટેલિફોન હેલ્પલાઈન ગોઠવવામાં આવી છે.

તાવના કેસો માટે અલગ વોર્ડ બનાવવામાં આવ્યા છે.