ફાયદો / પ્રવાસીઓ માટે આવ્યા સારા સમાચાર, IRCTC અને FHRAI આપશે આ ખાસ સુવિધા, મળશે મોટો ફાયદો

• પ્રવાસીઓ માટે આવ્યા સારા સમાચાર
• IRCTC અને FHRAI આપશે આ ખાસ સુવિધા
• રહેવાની સગવડ માટે કરી શકાશે વ્યવસ્થા

 
જો તમે ઈન્ડિયન રેલ્વે કેટરિંગ એન્ડ ટૂરિઝમ કોર્પોરેશન એટલે કે IRCTCની વેબસાઈટની મદદથી હોટલનું બુકિંગ કરો છો તો તમારા માટે એક સારા સમાચાર છે. હાલમાં IRCTC (Indian Railway Catering and Tourism Corporation) અને FHRAI (Federation of Hotel and Restaurant Associations of India) એ એક કરાર કર્યો છે. આ કરાર પર્યટકોને હોટલમાં રહેવાની સારી વ્યવસ્થા આપવા માટે છે. આ કરારના આધારે સહયોગી વેબસાઈટની મદદથી પોતાના હોટલના રૂમના બુકિંગને માટે મેળવી શકાય છે.  

 
IRCTCને અપાતા કમિશનમાં થશે 2 ટકાની છૂટ

મળતી માહિતી અનુસાર આ કરારના આધારે 3 સ્ટાર હોટલ અને તેની સમકક્ષ સુવિધા આપનારી હોટલો IRCTCને આપનારા કમિશનમાં 2 ટકાની છૂટ આપશે. છૂટ મેળવવા માટે હોટલનો FHRAI કે તેના ક્ષેત્રીય સંઘથી સંબંધ હોવો જરૂરી રહેશે. 

 
55000થી વધારે હોટલમાંથી સુવિધા પસંદ કરવાની રહેશે

FHRAIના ઉપાધ્યક્ષ ગુરુબક્ષીશ સિંહ કોહલીએ કહ્યું કે આ કરારથી IRCTCના ઉપયોગકર્તાને આખા દેશમાં કાર્યરત 55000 હોટલમાંથી પોતાની પસંદગીની હોટલ પસંદ કરવાની સુવિધા મળશે. આ દરેક હોટલ 3 સ્ટાર કે તેની ઉપરની છે તેથી સામાન્ય સુવિધાઓ, સ્વચ્છતા અને સુરક્ષાના આંતરરાષ્ટ્રિય માનકોને પૂરી કરે છે.