ઈરાકી સંસદે 78 વર્ષીય બ્રિટિશ-શિક્ષિત એન્જિનિયર અબ્દુલ લતીફ રાશિદને દેશના નવા રાષ્ટ્રપતિ તરીકે ચૂંટી કાઢ્યાં છે.
અબ્દુલ લતીફ રાશિદ બન્યાં ઈરાકના નવા રાષ્ટ્રપતિ
સંસદમાં યોજાઈ રાષ્ટ્રપતિની ચૂંટણી
15 દિવસમાં નવી સરકારની રચના માટે મોટા પક્ષને આપશે આમંત્રણ
78 વર્ષીય રાશિદ બ્રિટિશ-શિક્ષિત એન્જિનિયર
ઈરાકમાં છેલ્લા એક વર્ષથી ચાલી રહેલી રાજકીય કટોકટીનો અંત આવી ગયો છે. દેશમાં નવા રાષ્ટ્રપતિ ચૂંટાયા છે. નવા રાષ્ટ્રપતિની ચૂંટી કાઢવા માટે ગુરુવારે ઈરાકી સંસદમાં મતદાન થયું હતું જેમાં સાંસદોએ કુર્દિશ રાજકારણી અબ્દુલ લતીફ રાશિદને દેશના નવા રાષ્ટ્રપતિ તરીકે ચૂંટી કાઢ્યા છે. સંસદમાં 329 માંથી 269 ધારાસભ્યોએ તેમના પક્ષમાં વોટિંગ કર્યું હતું અને આ રીતે તેઓ સહેલાઈથી રાષ્ટ્રપતિ તરીકે ચૂંટાઈ આવ્યા હતા.
Iraq’s parliament elect Kurdish politician Abdul Latif Rashid as president, reports Reuters citing lawmakers pic.twitter.com/yI1bwdA8DV
15 દિવસમાં નવી સરકારની રચના માટે સંસદીય જૂથને આપશે આમંત્રણ
78 વર્ષીય રાશિદ બ્રિટિશ-શિક્ષિત એન્જિનિયર છે અને 2003-2010 સુધી ઇરાકી જળ સંસાધન મંત્રી હતા. સરકાર રચવા માટે સૌથી મોટા સંસદીય જૂથના ઉમેદવારને આમંત્રણ આપવા માટે તેમની પાસે 15 દિવસનો સમય છે.
કોણ છે નવા રાષ્ટ્રપતિ
રાષ્ટ્રપતિ તરીકે ચૂંટાયેલા 78 વર્ષીય કુર્દિશ નેતા અબ્દુલ લતીફ રાશિદ બ્રિટનમાં ભણેલા ગણેલા એન્જિનિયર છે. તેઓ 2003થી 2010 સુધી ઈરાકના જળ સંસાધન મંત્રી રહ્યા હતા તથા રાજનીતિના કુશળ ખેલાડી છે. તેઓ હવે સૌથી મોટા સંસદીય જૂથને 15 દિવસમા સરકારની રચનાનું આમંત્રણ આપશે.
બગદાદના ગ્રીન ઝોન ત્રાટક્યા નવ રોકેટ
રાષ્ટ્રપતિને ચૂંટી કાઢતા પહેલા બગદાદની સંસદ નજીક એક મોટો હુમલો થયો હતો. બગદાદની સંસદ જ્યાં આવેલી છે તેવા ગ્રીન ઝોનમાં નવ રોકેટ ત્રાટક્યા હતા. રોકેટ હુમલામાં અનેક નાગરિકો અને સુરક્ષા દળોના સભ્યો ઘાયલ થયા હતા.