સઉદી અરબનાં ઓઇલ પ્લાન્ટ્સ પર થયેલાં હુમલાઓ બાદ મધ્ય પૂર્વમાં હજી પણ તણાવની સ્થિતિ સર્જાયેલી છે. અમેરિકા અને ઇરાનની વચ્ચે સંબંધ પહેલેથી જ ખૂબ ખરાબ હતાં, આ હુમલાઓ બાદ બંનેની વચ્ચે નિવેદનબાજી વધારે વધી ગઇ.
ઇરાન કોઇ પણ સ્થિતિ સામે લડવા માટે તૈયારઃ મેજર જનરલ હુસૈન સલામી
ઇરાનનાં રિવોલ્યૂશનરી ગાર્ડ્સનાં કમાન્ડરે આપી ચેતવણી
ઇરાનનાં રિવોલ્યૂશનરી ગાર્ડ્સનાં કમાન્ડરે શનિવારનાં રોજ પોતાનાં દેશ પર હુમલો કરનારા કોઇ પણ દેશને ચેતવણી આપતા કહ્યું કે જો કોઇ પણ દેશે ઇરાન પર હુમલો કર્યો તો તેઓ તેને 'યુદ્ધનું મેદાન' બનાવી દેશે. મેજર જનરલ હુસૈન સલામી (Hossein Salami) એ એમ પણ કહ્યું કે, ઇરાન (Iran) કોઇ પણ રીતની સ્થિતિ સામે લડવા માટે તૈયાર છે.
ઇરાની સૈન્ય ઓફિસરે આપી ચેતવણી
મેજર જનરલ સલામીએ આ નિવેદન તેવાં રિપોર્ટોનાં સંદર્ભમાં આપ્યું છે કે જેમાં જણાવવામાં આવ્યું છે કે અમેરિકા સઉદીનાં તેલ પ્રતિષ્ઠનો પર હુમલાનાં જવાબમાં સૈન્ય વિકલ્પ તપાસી રહ્યું છે. તેલ પ્રતિષ્ઠાનો પર હુમલાનું જવાબદાર તેહરાનને માનવામાં આવી રહ્યું છે. તેઓએ તેહરાનમાં મીડિયા સાથે વાતચીત કરતા કહ્યું કે, 'જે પણ દેશ પોતાનાં ક્ષેત્રને યુદ્ધનું મેદાન બનાવવા ઇચ્છે છે, તે આગળ વધે. અમે ઇરાની ક્ષેત્ર પર અતિક્રમણ માટે કોઇ પણ યુદ્ધની પરવાનગી નહીં આપીએ.' ઇરાને સઉદી હુમલાઓનાં આરોપો બાદ અમેરિકાની આલોચના કરી હતી.
'આશા છે કે અમેરિકા ભૂલ નહીં કરે'
સલામીએ કહ્યું કે, 'અમે આશા રાખીએ છીએ કે (અમેરિકા) કોઇ રણનીતિક ભૂલ નહીં કરે જેવી કે તેઓએ પહેલા કરી હતી.'