તણાવ / ઇરાનનો બદલો! ઇરાકમાં અમેરિકાના સેના બેઝ પર રોકેટ દ્વારા હુમલો

• ઈરાકમાં અમેરિકી સેના બેઝ પર હુમલો 
• ઈરાને એક બાદ એક 9 રોકેટ ફાયર કર્યા 
• અલ-અસદ બેઝ પર રોકેટથી કરાયો હુમલો 

ઈરાકમાં અમેરિકી સેના બેઝ પર ફરી એકવાર હુમલો થયોછે. અલ-અસદ બેસ પર અમેરિકી સેના પર 9 જેટલી મિસાઈલ ફાયર કરવામાં આવી છે. જોકે આ હુમલામાં જાનહાનિના કોઈ અહેવાલ મળ્યા નથી. મળતી માહિતી મુજબ આ રોકેટ હુમલો ઈરાને કર્યો છે.

પેન્ટાગન દ્વારા આ હુમલાને લઇને નુકસાન અંગેની જાણકારી મેળવવામાં આવી રહી છે.  તમને જણાવી દઈએ કે આ પૂર્વે પણ અમેરિકી દૂતાવાસ પાસે રોકેટથી હુમલા થઈ ચૂક્યા છે. આ હુમલા ઈરાની કમાન્ડર કાસિમ સુલેમાનીને ઠાર માર્યા બાદથી થઈ રહી છે. ઈરાને સુલેમાનીના મોતનો બદલો લેવાની પણ ધમકી આપી હતા. અને હવે એક બાદ એક હુમલાઓ કરી રહ્યું છે.

અલ-અસદ દ્વારા અમેરિકાના સેનાના એ બેઝ પર હુમલો કરવામાં આવ્યો છે જ્યા ડોનાલ્ડ ટ્રમ્પ 2018માં ગયા હતા. આમ અમેરિકા અને ઇરાન વચ્ચે તણાવ વધી રહ્યો છે. 

Photo Source: Twitter