ઈરાન અને અમેરિકા વચ્ચે યુદ્ધ જેવી પરિસ્થિતિઓ આકાર આવી રહી છે. ઈરાન સતત આક્રમક નિવેદનો આપી રહ્યું છે અને યુએસ દ્વારા પણ આવા જ નિવેદનો આપવામાં આવી રહ્યા છે. બંને તરફથી કોઈ પણ નમવા તૈયાર નથી.
ઈરાન અને અમેરિકા વચ્ચે યુદ્ધના ભણકારા
જગત જમાદારને યુદ્ધ પડી શકે મોંઘુ
ઘાતક મિસાઇલો અને લશ્કરી ક્ષમતા મામલે ઇરાન પ્રથમ ક્રમે
અમેરિકા વૈશ્વિક મહાસત્તા છે અને તેની શક્તિ વિશ્વમાં કોઈથી છુપાયેલ નથી. 45 વર્ષથી ચાલતા આવતા શીત યુદ્ધ પછી, સોવિયત સંઘને તોડવામાં અમેરિકા સફળ રહ્યું. હવે, ઈરાન સાથે સીધા યુદ્ધની લડાઇ વચ્ચે, એવી અટકળો લગાવવામાં આવી રહી છે કે ઈરાનનું આગળનું પગલું શું હશે?
ઘાતક મિસાઇલો અને લશ્કરી ક્ષમતા મામલે ઇરાન પ્રથમ ક્રમે
લશ્કરી શક્તિની દ્રષ્ટિએ, અમેરિકા સામે ઇરાન ખૂબ જ નબળું દેખાય છે, પરંતુ જો આપણે પશ્ચિમ એશિયાની વાત કરીએ તો ઘાતક મિસાઇલો અને લશ્કરી ક્ષમતાના મામલે ઇરાન સંભવત પ્રથમ ક્રમે છે. અમેરિકાએ પણ આ બાબતને સ્વીકારી છે. થોડા સમય પહેલા અમેરિકાની સંરક્ષણ ગુપ્તચર એજન્સીના ડિરેક્ટર વિન્સેન્ટ સ્ટુઅર્ટે ઈરાનને અમેરિકા માટેના પાંચ મોટા જોખમોમાંના એક તરીકે ગણાવી હતી. આમાં તેણે ઈરાની મિસાઇલો ટોચ પર મૂકી.
વોશિંગ્ટનમાં થયો એક અભ્યાસ
વોશિંગ્ટનના એક સ્ટડી સેન્ટર અનુસાર, સમગ્ર પશ્ચિમ એશિયામાં સૌથી વધુ ખતરનાક મિસાઇલો ઈરાન પાસે છે. યુદ્ધની સ્થિતિમાં, તે તેના દ્વારા તબાહી મચાવી શકે છે. ઈરાન પાસે કેટલીક બેલિસ્ટિક અને ક્રુઝ મિસાઇલો પણ છે જેના દ્વારા તે ઇઝરાઇલ પર હુમલો કરી શકે છે. આ મિસાઇલોની રેન્જ 2000 કિ.મી. સુધીની છે. ઈરાન પણ આ મિસાઇલોથી દક્ષિણ પૂર્વી યુરોપ પર હુમલો કરી શકે છે.
શિયા સમુદાય ઇરાનને માને છે આસ્થાનું કેન્દ્ર
પરંતુ ઈરાનની શક્તિ ફક્ત તેમાં જ નથી કે તેની પાસે પશ્ચિમ એશિયાના તમામ દેશોમાં સૌથી શક્તિશાળી સૈન્ય છે. હકીકતમાં, વિશ્વભરના મુસ્લિમો વ્યાપકપણે બે ભાગમાં વહેંચાયેલા છે. પ્રથમ સુન્ની અને બીજો શિયા. દુનિયાભરના સુન્ની મુસ્લિમોનો ઝુકાવ સાઉદી અરેબિયા તરફ છે, જ્યારે ઈરાનને શિયા સમુદાયની આસ્થાનું કેન્દ્ર માનવામાં આવે છે.
ઓઇલ કંપની અરમાકો પર તાજેતરમાં જ થયો છે હુમલો
પશ્ચિમ એશિયામાં બંને દેશો વચ્ચે વર્ચસ્વની લડાઇ ચાલુ છે. સાઉદી અરેબિયાની સૌથી મોટી ઓઇલ કંપની અરમાકો પર તાજેતરના હુમલાએ પરિસ્થિતિને લીધે મામલો વધુ ગરમાયો કરી છે. જો કે હૌતી વિદ્રોહીઓએ આ હુમલાની જવાબદારી સ્વીકારી છે, પરંતુ સાઉદી અરેબિયા અને યુએસ સહિતના પશ્ચિમી દેશોએ આરોપ લગાવ્યો છે કે આ હુમલા પાછળ ઈરાનનો હાથ છે.
અયાતુલ્લાહ ખોમેની ખાસ માની રહ્યો છે શિયા સમુદાય
કાસિમ સુલેમાનીના મોત બાદ દુનિયાભરમાં રહેતા શિયા મુસ્લિમ સમુદાય દ્વારા વિરોધ પ્રદર્શનની ઘટનાઓ સામે આવી રહી છે. ભારતમાં પણ તેને લઇને વિવિધ સ્થળોએ અમેરિકા વિરૂદ્ધ વિરોધ પ્રદર્શન યોજવામાં આવી રહ્યા છે. ખાસ કરીને શિયા સમુદાય દુનિયાભરમાં ક્યાંય પણ હોય પરંતુ તે ઇરાનની સાથે ખાસ લગાવે ધરાવે છે. ઇરાનની ઇસ્લામિક ક્રાંતિ બાદ ખાસ કરીને અયાતુલ્લાહ ખોમેનીને શિયા સમુદાયના લોકો ધાર્મિક નેતાની દ્રષ્ટીએ જોઇ રહ્યા છે.