વિવાદ / ઈરાને અમેરિકાના 17 લોકોની કરી ધરપકડ, તણાવ વધવાના એંધાણ

ઉલ્લેખનીય છે કે, અમેરિકા તરફથી મે મહિનામાં લગાવવામાં આવેલા કડક પ્રતિબંધો બાદ બન્ને દેશ વચ્ચે તણાવ ચરમસીમા પર છે. આવામાં ઈરાનનો આ દાવો માહોલ વધુ ખરાબ કરી શકે છે. 4 જુલાઇએ  બ્રિટેનને ઈરાનના ટેન્કરને સીઝ કર્યું હતું. તેના જવાબમાં ઇરાને બ્રિટિશ ઓઇલ ટેન્કરને ગત સપ્તાહે પકડી લીધુ હતુ. 

આ સમયે ઇરાન અને પશ્વિમી દેશો વચ્ચે તણાવ વધી ગયો હતો. સૂત્રોના જણાવ્યા મુજબ અહીં 17 જાસૂસને પકડવામાં આવ્યા છે જે અમેરિકન જાસૂસી સંસ્થા CIA માટે કામ કરતા હતા. તેમાંથી અમુક લોકોને ફાંસીની સજા આપવામાં આવી છે. ઈરાનની ન્યૂઝ ચેનલે દેશના ઇન્ટેલિજન્સ મંત્રાલયના હવાલાથી કહ્યુ કે, CIAનુ ગુપ્ત તંત્ર તોડીને 17 જાસૂસ પકડી લેવામાં આવ્યા છે. 

The Report of Iran capturing CIA spies is totally false. Zero truth. Just more lies and propaganda (like their shot down drone) put out by a Religious Regime that is Badly Failing and has no idea what to do. Their Economy is dead, and will get much worse. Iran is a total mess!

— Donald J. Trump (@realDonaldTrump) July 22, 2019

બીજી તરફ મંત્રાલય તરફથી જાહેર નિવેદનમાં કહેવાયું છે કે, પકડાયેલા જાસૂસ સંવેદનશીલ, પ્રાઇવેટ અને આર્થિક કેન્દ્રો, સેના અને સાઇબર ક્ષેત્રમાં નોકરી કરી રહ્યા હતા જ્યાંથી તેઓ મહત્વપૂર્ણ જાણકારી મેળવતા હતા. 

પર્શિયન ખાડીમાં ઈરાને જે બ્રિટિશ ઝંડાવાળા તેલ ટેન્કરને પકડી લીધું છે, તેને લઇને પ્રધાનમંત્રી ટેરેસા મે અપાતકાલીન સમિતિ સાથે બેઠક કરવાના છે. પ્રધાનમંત્રી કાર્યાલયના પ્રવક્તાએ કહ્યું કે, મંત્રીઓ અને અધિકારીઓ પાસેથી આ ઘટનાક્રમ પર લેટેસ્ટ માહિતી પ્રાપ્ત કરવા સિવાય આ ખાડીમાં તેલ ટેન્કરોની સુરક્ષાને લઇને પણ ચર્ચા કરવામાં આવશે. 

ઈરાન પર પ્રતિબંધ લગાવી દેતા ઈરાને અમેરિકાને વળતો જવાબ આપીને ડ્રોન તોડી પાડ્યું હતું. ત્યાર પછીથી બંને દેશ વચ્ચે તણાવ ખુબ જ વધ્યો છે. હવે 17 અમેરિકનોને પકડીને ફાંસીની સજા સંભળાવી દેવાતા આ મામલો વધારે વણસી શકે છે..