IPLIN
 
  • Home
  • India
  • ips sachin atulkar looks workout plan diet and fitness secret

રસપ્રદ / આ IPS સામે મોટા મોટા હીરો ફેલ! લુક્સ પાછળ દિવાની છે યુવતીઓ, જુઓ PHOTOS

Team VTV 02:52 PM, 30 Dec 21
Follow us
ips sachin atulkar looks workout plan diet and fitness secret

દેશમાં ઘણાં એવા પોલીસ અધિકારી છે, જે પોતાના કામના કારણે ચર્ચામાં રહે છે. અત્યારે IPS સચિન અતુલકરનું નામ ખૂબ ચર્ચામાં છવાયેલુ છે. કારણકે તેને મધ્ય પ્રદેશની રાજધાની ભોપાલનો એસીપી બનાવવામાં આવ્યો છે. આની પહેલા તેઓ સૌથી નાની ઉંમરે ડીઆઈજી બન્યા હતા.

  • અત્યારે IPS સચિન અતુલકર છે ખૂબ ચર્ચિત
  • મધ્ય પ્રદેશની રાજધાની ભોપાલના એસીપી બનાવાયા
  • સચિન અતુલકર સૌથી નાની ઉંમરે DIG બન્યાં

IPS ફીટનેસના કારણે ઓળખાય છે 

સચિન અતુલકર પોલીસ વિભાગમાં પ્રખ્યાત નામ છે. તેને તેના કામ અને ફિટનેસના કારણે ઓળખવામાં આવે છે. તેમનો ચાહકવર્ગ વધુ છે. તેની ફિટનેસ આગળ સારા બોડી બિલ્ડરો પણ ફેલ છે. તેને સૌથી હેન્ડસમ પોલીસ અધિકારીના નામે પણ ઓળખવામાં આવે છે. તેની ફિટનેસનું રહસ્ય તેની ડાયટ અને વર્કઆઉટ છે. તે દરરોજ 1-2 કલાક જીમમાં પરસેવો પાડે છે.

સચિન અતુલકરનો વર્કઆઉટ પ્લાન

સચિન અતુલકર અઠવાડિયામાં 5-6 દિવસ કસરત કરે છે. જેમાં તે દરેક બોડી પાર્ટની કસરત કરે છે. આ સિવાય તેઓ યોગ અને મેડિટેશન પણ કરે છે, જેનાથી તેમને મગજને શાંત રાખવામાં મદદ મળે છે. અઠવાડિયાના પહેલા દિવસની શરૂઆત તે ચેસ્ટ અને ટ્રાઈસેપ્સ કસરતથી કરે છે, જેની 7-8 કસરત સામેલ થાય છે. બીજા દિવસે તે બેક અને બાઈસેપ્સની કસરત કરે છે, જેમાં તે હેવી વજન ઉઠાવે છે. ત્રીજા દિવસે તે લેગ અને પગની કસરત અને પછી કાર્ડિયો કરે છે. ચોથા દિવસે તે ખભાની કસરત કરે છે અને સાથે પેટની એક્સરસાઈઝ પણ કરે છે. પાંચમા દિવસે તે શરીરના વીક પાર્ટ પર વધુ ધ્યાન કેન્દ્રીત કરે છે અને તેની કસરત કરે છે. છઠ્ઠા દિવસે તે પગની કસરત કરે છે અથવા પછી સ્લો કાર્ડિયો કરે છે. સાતમા દિવસે તે રવિવારે આરામ કરે છે. કારણકે શરીર રિકવર થાય. 

અન્ય ફિઝીકલ એક્ટિવિટી

સચિન અતુલકરને સાઈકલ ચલાવવાનો ખૂબ શોખ છે. જો તેને સમય મળે તો તે સાઈકલ ચલાવે છે. આ સિવાય તેને ચાલવુ પણ સારું લાગે છે. તેને ક્યારેય સમય મળે તો તે ચાલવાનુ વધુ પસંદ કરે છે.

 

 

22 વર્ષની ઉંમરમાં બન્યાં IPS

સચિન અતુલકર 2007ની બેચના આઈપીએસ અધિકારી છે અને તેઓ માત્ર 22 વર્ષની ઉંમરે આઈપીએસ બની ગયા હતા. સોશિયલ મીડિયામાં તેની ખૂબ લોકપ્રિયતા છે. તે પોતાના કામને લઇને હંમેશા ચર્ચામાં રહે છે.
 

IPS Sachin Atulkar Sachin Atulkar Workout Plan Diet and Fitness Fitness
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ