લૉકડાઉન / કોરોનાયુગમાં ફિટનેસ હારી, ફાકી જીતી: પોલીસ અધિકારીએ કરી ટ્વિટ

• પાનના ગલ્લા ખુલ્લા કરવા મુદ્દે IPS દિપક મેઘાણીએ કર્યા ટ્વિટ
• માવો ખાઈ શકાશે પણ મગદળ હાલ પૂરતું નહીં ઊંચકી શકાય
• ફિટનેસ હારી, ફાકી જીતી! પ્રોટીન હાર્યું, પડીકી જીતી: મેઘાણી

પાનના ગલ્લા ખુલ્લા અને જીમ બંધ રાખવાના સરકારના નિર્ણય પર વડોદરામાં ફરજ બજાવતા IPS દિપક મેઘાણીએ ટ્વિટ કર્યા હતા. મેઘાણીએ ટ્વિટ કરતા કહ્યું કે માવો ખાઈ શકાશે પણ મગદળ નહીં ઊંચકી શકાય. ફિટનેસ હારી, ફાકી જીતી! પ્રોટીન હાર્યું, પડીકી જીતી તેવું ટ્વિટ કર્યું હતું.

આ IPS અધિકારીએ પાન મસાલાને લઇને અનેક ટ્વિટ કર્યા હતા.






સરકારની ટીકાનો કે કટાક્ષનો કોઈ હેતુ નથીઃ મેઘાણી

અત્રે ઉલ્લેખનીય છે કે, લૉકડાઉન 1, 2 અને 3માં પાન-મસાલાના ગલ્લાઓને બંધ હતા. પરંતુ લૉકડાઉન 4માં પાનના ગલ્લાઓ ખોલવાનો રાજ્ય સરકા માટેનો નિર્ણય કરાયો છે. દુકાનમાં પાન-મસાલા સહિતની ચીજ વસ્તુઓ મળી શકશે. ત્યારે હવે આ અંગે IPS અધિકારીએ એમ પણ જણાવ્યું છે કે, ટ્વીટનો શુભ હેતુ માવામસાલાનાં વ્યસન પ્રત્યે લોકોમાં જાગરૂકતા આવે એ માટે છે. આનું મનસ્વીપણે અર્થઘટન ના કરશો. માવાનાં બદલે સ્વાસ્થ્ય પ્રત્યે સભાનતા માટે તથા વ્યસનમુક્તિ માટે આવું લખ્યું હતું. સરકારની ટીકાનો કે કટાક્ષનો કોઈ હેતુ નથી.

ટ્વીટનો શુભ હેતુ માવામસાલાનાં વ્યસન પ્રત્યે લોકોમાં જાગરૂકતા આવે એ માટે છે. આનું મનસ્વીપણે અર્થઘટન ના કરશો. માવાનાં બદલે સ્વાસ્થ્ય પ્રત્યે સભાનતા માટે તથા વ્યસનમુક્તિ માટે આવું લખ્યું હતું. સરકારની ટીકાનો કે કટાક્ષનો કોઈ હેતુ નથી.

— Deepak Meghani (@DeepakMeghani) May 19, 2020