31 માર્ચ એટલે કે આજે ચાર કંપનીઓના IPO ખૂલ્યા છે, જો તમે નવા નાણાકીય વર્ષમાં બમ્પર કમાણી કરવા માંગો છો તો આ IPOમાં દાવ લગાવી શકો છો.
ફરી એકવાર શેરબજારમાં IPOની સિઝન આવી
આજે ચાર કંપનીઓના IPO ખૂલ્યા છે
બમ્પર કમાણી કરવા આ IPOમાં દાવ લગાવી શકો છો
આજકાલ દરેક લોકો રોકાણ કરવા માટે નવા નવા રસ્તાઓ શોધતા રહે છે અને ખાસ કરીને લોકો શેરમાર્કેટમાં સૌથી વધુ પૈસા રોકે છે. એવામાં શેરબજારમાં પૈસા રોકનાર લોકો માટે એક ખાસ સમાચાર સામે આવી રહ્યા છે. આપણે બધા જાણીએ છીએ કે એક પછી એક ઘણી કંપનીઓ શેરબજારમાં તેમના IPO લાવી રહી છે અને એવા મુદ્દાઓ ઘણી વખત રોકાણકારો માટે આ IPO કમાણીની મોટી તક સાબિત થયા છે. રોકાણકારોનો એક વર્ગ પ્રાથમિક બજારમાં આવા IPO ની જ તકો શોધતો રહે છે. તમે પણ આવા રોકાણકાર છો અને નાની રકમમાંથી કંઈક કમાવવાનીની આશા રાખો છો તો આ સમાચાર તમારા કામના છે.
ફરી એકવાર શેરબજારમાં IPOની સિઝન આવી છે, જણાવી દઈએ કે 31 માર્ચ એટલે કે આજે ચાર કંપનીઓના IPO ખૂલ્યા છે. આ IPO એપ્રિલમાં માર્કેટમાં લિસ્ટ થશે. એટલે કે જો તમે નવા નાણાકીય વર્ષમાં બમ્પર કમાણી કરવા માંગો છો તો આ IPOમાં દાવ લગાવી શકો છો.
આજે ચાર કંપનીઓના IPO ખૂલ્યા
MOS યુટિલિટી (MOS Utility IPO)
આજે શેરબજારમાં એમઓએસ યુટિલિટી IPO ખૂલ્યો છે, જણાવી દઈએ કે આ કંપની ડિજિટલ ઉત્પાદનો અને સેવાઓ પ્રદાન કરે છે. આ IPOમાં 31 માર્ચથી 6 એપ્રિલ 2023 સુધી રોકાણ કરી શકાય છે. કંપનીએ IPO માટે શેર દીઠ રૂ. 72-76ની પ્રાઇસ બેન્ડ નક્કી કરી છે અને લોટ સાઈઝ 1600 સ્ટોક છે. કંપની IPO દ્વારા લગભગ રૂ. 50 કરોડનું ભંડોળ એકઠું કરશે.
સેનકોડ ટેકનોલોજી (Sancode Technologies IPO)
Sancode Technologies એ સોફ્ટવેર અને પ્રોડક્ટ ડેવલપમેન્ટ કંપની છે. આ IPOમાં 31 માર્ચથી 6 એપ્રિલ 2023 સુધી રોકાણ કરી શકાય છે. કંપની આ IPO દ્વારા 5.15 કરોડ રૂપિયા એકઠું કરશે અને પ્રતિ શેર 47 રૂપિયાની પ્રાઇસ બેન્ડ નક્કી કરી છે.
ઇનફીનિયમ ફાર્મા (Infinium Pharmachem IPO)
ઈન્ફિનિયમ ફાર્માકેમનો આઈપીઓ પણ આજે ખૂલ્યો છે. જણાવી દઈએ કે આ કંપની આયોડિન ડેરિવેટિવ્ઝ, ફાર્મા ઇન્ટરમીડિએટ્સ અને એક્ટિવ ફાર્માસ્યુટિકલ ઘટકો બનાવવા અને તેને સાફ કરવાનું કામ કરે છે. કંપનીએ તેના IPO માટે 135 રૂપિયા પ્રતિ શેરની કિંમત નક્કી કરી છે.
એકઝિકોન ઇવેન્ટ્સ મીડિયા સોલ્યુશન્સ IPO (Exhicon Events Media Solutions IPO)
Exicon Events Media Solutions નો IPOમાં 5 એપ્રિલ સુધી રોકાણ કરી શકાય છે. તેની લોટ સાઈઝ 2000 શેર છે. કંપનીએ IPO માટે શેર દીઠ રૂ. 61-64ની પ્રાઇસ બેન્ડ નક્કી કરી છે.