બિઝનેસ / હેક્સાવેર ટેક્નોલોજીસનો આવશે 99500000000 નો IPO, રોકાણકારોને કમાણીની શાનદાર તક

જે લોકો શેરમાર્કેટમાં પૈસા રોકવાનું વિચારી રહ્યા છે એમની માટે સારા સમાચાર સામે આવ્યા છે. આઈટી ક્ષેત્ર સાથે સંબંધિત કંપની હેક્સાવેર ટેક્નોલોજીસનો આઈપીઓ લોન્ચ થવા જઈ રહ્યો છે. આ માટે કંપનીએ સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (સેબી) પાસે ડ્રાફ્ટ પેપર ફાઈલ કર્યા છે.

હેક્સાવેર ટેક્નોલોજિસે રૂ. 9950 કરોડના IPO માટે માર્કેટ રેગ્યુલેટર સેબીમાં DRHP ફાઇલ કર્યું છે. જણાવી દઈએ કે આ કંપનીને ડિસેમ્બર 2020માં શેરબજારમાંથી ડી-લિસ્ટ કરવામાં આવી હતી. તે સમયે શેરની કિંમત 475 રૂપિયા હતી. પ્રાઈવેટ ઈક્વિટી ફર્મ કાર્લાઈલ ગ્રુપ હેક્સાવેર ટેક્નોલોજીસની પ્રમોટર છે.

કંપની દ્વારા સેબીમાં સબમિટ કરાયેલા પ્રારંભિક દસ્તાવેજો (DRHP) મુજબ, આ IPO સંપૂર્ણ વેચાણ માટે ઓફર (OFS) હશે. એટલા માટે IPOમાંથી મળેલી સંપૂર્ણ રકમ કંપનીને બદલે સીધી પ્રમોટરને જશે. કંપનીએ જણાવ્યું હતું કે તેનો ઉદ્દેશ્ય સ્ટોક એક્સચેન્જમાં ઇક્વિટી શેરનું લિસ્ટિંગ અને વેચાણ કરીને શેરધારકોને OFSનો લાભ મેળવવાનો છે.

આ IPOમાં કાર્લાઈલ ગ્રુપ હેઠળના પ્રમોટર્સ CA મેગ્નમ હોલ્ડિંગ્સ તેમનો હિસ્સો વેચશે. CA મેગ્નમ હોલ્ડિંગ્સ હેક્સાવેર ટેક્નોલોજીસ આઈટી કંપનીમાં 95.03 ટકા હિસ્સો ધરાવે છે. જો આ IPO મંજૂર થાય છે, તો હેક્સાવેરનો IPO દેશના ઇન્ફોર્મેશન ટેક્નોલોજી સર્વિસ સેક્ટરમાં બે દાયકાથી વધુ સમય માટે સૌથી મોટો હશે. અગાઉ ટાટા કન્સલ્ટન્સી સર્વિસે રૂ. 4,713 કરોડનો આઈપીઓ લાવ્યો હતો.

વધુ વાંચો: ગણેશ ભક્તિમાં લીન થયો અંબાણી પરિવાર, અનંત-રાધિકા ઘરે લાવ્યા બાપ્પાની મૂર્તિ

હેક્સાવેર ટેકનોલોજીના સીઈઓ શ્રીકૃષ્ણ રામકાર્તિકેયન છે. સમગ્ર વિશ્વમાં તેની 16 ઓફિસો અને 38 ડિલિવરી કેન્દ્રો છે. આ કંપની નાણાકીય સેવાઓ, આરોગ્ય સંભાળ, વીમા, ઉત્પાદન જેવા ક્ષેત્રો માટે કામ કરે છે. આ કંપની ડિઝાઇન, આર્ટિફિશિયલ ઇન્ટેલિજન્સ, ક્લાઉડ સર્વિસમાં કામ કરે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ